ആൽക്കഹോൾ, ബീയർ, വൈൻ തുടങ്ങിയവയെല്ലാം പരമാവധി കുറയ്ക്കുക. പുകവലിയും സംസാരത്തിനു ഹാനികരമാണ്. ശ്വാസനാളത്തിലെ അർബുദത്തിനു വരെ ഇതു കാരണമാകും
കൊടും ചൂടും തണുപ്പുമുള്ള തീവ്ര കാലാവസ്ഥകളിൽ സംസാരം കുറയ്ക്കുക. ഇത്തരം കാലാവസ്ഥകളിൽ തുടർച്ചയായി സംസാരിക്കുന്നത് വോക്കൽ കോഡിനു കേടുപാടുകൾ പറ്റാനിടയാക്കും
കൊറോണ വൈറസ് ഉൾപ്പെടെയുള്ള ചില വൈറസുകൾ ശ്വാസനാളത്തെ വല്ലാതെ ബാധിക്കുന്നതാണ്. വൈറൽ പനിയുള്ളപ്പോഴും കഫം കൂടിയാലും വോക്കൽ കോഡിൽ നീരു വന്നു ബുദ്ധിമുട്ടുണ്ടാകാറുണ്ട്
ജലദോഷം, ചുമ തുടങ്ങിയ അസുഖങ്ങളുണ്ടാകുമ്പോൾ സംസാരം പരമാവധി കുറയ്ക്കുക. മൊബൈൽ ഫോൺ സംസാരം പരമാവധി നിയന്ത്രിക്കുക
അസുഖം ബാധിച്ചു തൊണ്ടയ്ക്കു ബുദ്ധിമുട്ട് അനുഭവപ്പെടുന്നുവെങ്കിൽ ഒരാഴ്ച മുതൽ 10 ദിവസം വരെ വിശ്രമം നൽകുക