കൊച്ചിയിൽ നടക്കുന്ന സംസ്ഥാന സ്കൂൾ കായികമേളയിൽ ജൂനിയർ പെൺകുട്ടികളുടെ ടെന്നിസിൽ ചാംപ്യൻമാരായ എറണാകുളത്തിന്റെ മേരി ജോഷ്ന പോയിന്റ് നേടുന്നു.
സംസ്ഥാന സ്കൂൾ കായികമേളയിൽ അത്‌ലറ്റിക്സ് മത്സരങ്ങൾക്ക് മുന്നോടിയായി മലപ്പുറം കടകശേരി ഐഡിയൽ എച്ച്എസ്എസിലെ കായിക താരങ്ങൾ മഹാരാജാസ് കോളജ് ഗ്രൗണ്ടിൽ പരിശീലനം നടത്തുന്നതിനു മുൻപായി പ്രാർഥിക്കുന്നു.
സംസ്ഥാന സ്കൂൾ കായികമേളയിൽ അണ്ടർ 19 (49 കിലോ) തയ്ക്വാൻഡോ ഫൈനലിൽ തിരുവനന്തപുരത്തിന്റെ വി.ദീക്ഷയും (ഇടത്) എറണാകുളത്തിന്റെ സി.എസ്.സിദിയയും തമ്മിൽ ഏറ്റുമുട്ടുന്നു. മത്സരത്തിൽ തിരുവനന്തപുരത്തിന്റെ വി.ദീക്ഷ വിജയിച്ചു.
സംസ്ഥാന സ്കൂൾ കായികമേളയിൽ അത്‌ലറ്റിക്സ് മത്സരങ്ങൾക്ക് മുന്നോടിയായി സ്റ്റാർട്ടിങ് ബ്ലോക്കുകൾ ഒരുക്കുന്നു.
സംസ്ഥാന സ്കൂൾ കായികമേളയിൽ അത്‌ലറ്റിക്സ് മത്സരങ്ങൾക്ക് മുന്നോടിയായി കോതമംഗലം മാർ ബേസിൽ എച്ച്എസ്എസിലെ കായിക താരങ്ങൾ മഹാരാജാസ് കോളജ് ഗ്രൗണ്ടിൽ പരിശീലനം നടത്തുന്നു.
സംസ്ഥാന സ്കൂൾ കായികമേളയിൽ ജൂനിയർ പെൺകുട്ടികളുടെ പോൾവാട്ടിൽ വെള്ളി നേടിയ എറണാകുളം കോതമംഗലം മാർ ബേസിൽ എച്ച്എസ്എസിലെ സഫാനിയ നിറ്റു മത്സരത്തിനിടെ പോൾ പൊട്ടി വീണപ്പോൾ.
സംസ്ഥാന സ്കൂൾ കായികമേളയിൽ ജൂഡോ മത്സരത്തിനിടെ മകൾ മാസികീനെ കയ്യിലെടുത്ത് മത്സരാർഥികളെ പ്രോത്സാഹിപ്പിക്കുന്ന കോച്ച് നിമ്മി പുത്തൂരാൻ. തിരുവനന്തപുരം ജി.വി.രാജ സ്പോർട്സ് സ്കൂളിലെ ജൂഡോ പരിശീലകയാണ് നിമ്മി. മത്സരത്തിനിടയിൽ കുഞ്ഞ് വിശന്നു കരഞ്ഞപ്പോൾ അവൾക്ക് കുപ്പിപ്പാൽ നൽകുകയും അതേസമയം കയ്യടിച്ച് മത്സരാർഥികൾക്ക് ആവേശം പകരുകയും ചെയ്യുകയാണവർ.
സംസ്ഥാന സ്കൂൾ കായികമേളയുടെ അത്‌ലറ്റിക് മത്സരങ്ങൾ നടക്കുന്ന കൊച്ചി മഹാരാജാസ് കോളജ് ഗ്രൗണ്ടിൽ നിന്നു പിടികൂടിയ തെരുവുനായയെ അധികൃതർ പുറത്തേക്കു കൊണ്ടുപോകുന്നു.
സംസ്ഥാന സ്കൂൾ കായികമേളയിൽ ജൂനിയർ പെൺകുട്ടികളുടെ പോൾവാട്ടിൽ സ്വർണം നേടിയ മലപ്പുറം കടകശ്ശേരി ഐഡിയൽ ഇഎച്ച്എസ്എസിലെ കെ.എസ്.അമൽ ചിത്രയ്ക്കു അച്ഛൻ കെ.പി.സുധീഷ് മത്സരത്തിനു ശേഷം കേക്ക് നൽകുന്നു. ജന്മദിനത്തിലാണു അമൽ ചിത്ര പോൾവാട്ടിൽ സ്വർണം നേടിയത്.