ചേച്ചി ഇപ്പോഴും ബാല ചേട്ടനൊപ്പം ആശുപത്രിയിലുണ്ട്,വ്യാജവാർത്ത അരുത്: അഭിരാമി സുരേഷ്

ആശുപത്രിയിൽ ചികിത്സയിൽക്കഴിയുന്ന നടൻ ബാലയെ സന്ദർശിച്ചതായി ഗായിക അഭിരാമി സുരേഷ്

താനും ചേച്ചി അമൃതയും ബാലയുടെയും അമൃതയുടെയും മകൾ പാപ്പു എന്ന അവന്തികയും ബാലയെ നേരിൽ കണ്ടു സംസാരിച്ചുവെന്നും മറ്റു പ്രശ്നങ്ങളൊന്നും ഇല്ലെന്നും അഭിരാമി സമൂഹമാധ്യമങ്ങളിൽ കുറിച്ചു.

‘ബാല ചേട്ടന്റെ അടുത്തു ഞങ്ങൾ കുടുംബസമേതം എത്തി. പാപ്പുവും ചേച്ചിയും കണ്ടു, സംസാരിച്ചു. ചേച്ചി ഇപ്പോഴും ബാല ചേട്ടനൊപ്പം ആശുപത്രിയിൽ തന്നെയാണ്. ചെന്നൈയിൽ നിന്നും ശിവ അണ്ണനും എത്തിയിട്ടുണ്ട്.നിലവിൽ വേറെ പ്രശ്നങ്ങളൊന്നുമില്ല. ഈ സമയത്ത് വ്യാജവാർത്തകൾ പ്രചരിപ്പിക്കരുതെന്ന് എല്ലാവരോടും അഭ്യർഥിക്കുന്നു’, എന്നാണ് അഭിരാമി കുറിപ്പ്