ഫോർട്ട്കൊച്ചിയിലെ യേശുദാസിന്റെ പഴയ തറവാട് കാണാനെത്തി കേന്ദ്രമന്ത്രി സുരേഷ് ഗോപി.
യേശുദാസ് ഇന്ത്യക്കാരുടെ അവകാശമാണെന്നും എപ്പോഴെങ്കിലും അമേരിക്കയിലേക്ക് പോകുമ്പോൾ അവിടെനിന്നും യേശുദാസിനെ എടുത്തു കൊണ്ട് പോരുമെന്നും സുരേഷ് ഗോപി പറഞ്ഞു.
യേശുദാസിന്റെ തറവാട് വീടിനോടുചേർന്ന് അദ്ദേഹത്തിന്റെ അമ്മ നട്ടു വളർത്തിയ മാവിൽ സുരേഷ് ഗോപി വെള്ളമൊഴിച്ചു. 'ഈ മാവിനെ ഞാൻ പാട്ടുമാവെന്ന് വിളിക്കും.' സുരേഷ് ഗോപി പറഞ്ഞു. ഒരുപാട് പാട്ടുകേട്ട് വളർന്ന മാവാണിതെന്നും സുരേഷ് ഗോപി കൂട്ടിച്ചേർത്തു
'ഹൗസ് ഓഫ് യേശുദാസ് ' എന്നറിയപ്പെടുന്ന വീടിന്റെ ഇപ്പോഴത്തെ ഉടമ സി.എ. നാസർ സുരേഷ് ഗോപിയെ സ്വീകരിച്ചു.
അമേരിക്കയിൽനിന്നും വീഡിയോ കോളിലെത്തിയ യേശുദാസിനോട് സുരേഷ് ഗോപി സംസാരിച്ചു.
വീടിനോടുചേർന്ന് ചെമ്പൈ ഭാഗവതരുടെ പ്രതിമ സ്ഥാപിക്കുമെന്നും സുരേഷ് ഗോപി പറഞ്ഞു