ജയിലിൽ കഴിയുന്ന പാക്ക് മുൻപ്രധാനമന്ത്രി ഇമ്രാൻ ഖാന് പുതിയ തിരിച്ചടി

തെഹ്‌രികെ ഇൻസാഫിന്റെ ഉൾപാർട്ടി തിരഞ്ഞെടുപ്പ് ഭരണഘടനാവിരുദ്ധമായി പ്രഖ്യാപിക്കുകയും ബാറ്റ് ചിഹ്നം പിൻവലിക്കുകയും ചെയ്ത പാക്കിസ്ഥാൻ തിരഞ്ഞെടുപ്പ് കമ്മിഷൻ തീരുമാനത്തിനെതിരെ പാർട്ടി നൽകിയ ഹർജി ലഹോർ ഹൈക്കോടതി ഫയലി‍ൽ സ്വീകരിക്കാതെ തള്ളി.

ജനുവരി 9 ന് ഡിവിഷൻ ബെഞ്ച് അപ്പീൽ ഹർജി പരിഗണിക്കും.

അനുകൂല തീരുമാനമുണ്ടായില്ലെങ്കിൽ മറ്റു ചിഹ്നങ്ങളിൽ മത്സരിക്കേണ്ടിവരും.

നേരത്തെ പെഷാവർ ഹൈക്കോടതിയുടെ സിംഗിൾ ബെഞ്ച് തിരഞ്ഞെടുപ്പു കമ്മിഷന്റെ ഉത്തരവ് സ്റ്റേ ചെയ്തിരുന്നു. എന്നാൽ, ഡിവിഷൻ ബെഞ്ച് കമ്മിഷന്റെ ഉത്തരവ് പുനഃസ്ഥാപിച്ചു.

തെഹ്‌രികെ ഇൻസാഫ് സുപ്രീം കോടതിയെയും സമീപിച്ചിട്ടുണ്ട്. ഹർജി വെള്ളിയാഴ്ച പരിഗണിക്കും