സാമൂഹ്യമായും തൊഴില്‍പരമായും വൻ മാറ്റങ്ങളാണ് ഉണ്ടായിരിക്കുന്നത്. കുടുംബ ഉത്തരവാദിത്തങ്ങൾക്ക് മുകളിൽ തൊഴിലിനെ കാണുന്ന സ്ത്രീകളുടെ എണ്ണമേറുകയാണ്.
മോർഗൻ സ്റ്റാൻലിയുടെ സർവേ പ്രകാരം 2030 ആകുമ്പോഴേക്കും അവിവാഹിതരായ സ്ത്രീകളുടെ എണ്ണം കുത്തനെ കൂടും.
25-44 പ്രായപരിധിയിലുള്ള ഏകദേശം 45 ശതമാനം സ്ത്രീകളും കുട്ടികളില്ലാത്തവരും അവിവാഹിതരുമാകുമെന്ന് സർവേ വ്യക്തമാക്കുന്നു.
സ്ത്രീകൾ മുൻകാലങ്ങളെ അപേക്ഷിച്ച് തങ്ങളുടെ വ്യക്തിത്വ വികസനത്തിനും കരിയറിനും മുൻഗണന നൽകുന്നതാണ് ഈ മാറ്റത്തിന് കാരണം.
അവിവാഹിതരായി തുടരുന്നത് ആകർഷകമാണെന്ന് കേരളത്തിൽ പോലും യുവതലമുറ ചിന്തിച്ചു തുടങ്ങിയിരിക്കുന്നു എന്ന കാര്യം ഇവിടെ കൂട്ടി വായിക്കാം.
കുട്ടികളെ വളർത്താനുള്ള ചെലവും, അധ്വാനവും മൂലമാണ് പല യുവതികളും വിവാഹം കഴിക്കേണ്ട എന്ന് തീരുമാനിക്കുന്ന ഒരു കാര്യം. കുട്ടിയുണ്ടായാൽ ജോലി വിടേണ്ടി വരുമെന്ന പേടിയുമുണ്ട്
സ്ത്രീധനത്തിന്റെ പേരിലുള്ള പീഡനങ്ങളും, കൊലപാതകങ്ങളും, ആത്മഹത്യകളും, മരണങ്ങളും പെൺകുട്ടികളെ പേടിപ്പിക്കുന്നുണ്ട്. കല്യാണം തടവറയാണ് എന്ന ചിന്തയേറുന്നു.
സമൂഹത്തിന്റെ കാഴ്ചപ്പാടുകൾ മാറുന്നത് മൂലം സ്വതന്ത്രമായി ചിന്തിക്കാനും ജീവിക്കാനും സ്ത്രീകൾക്ക് കൂടുതൽ പിന്തുണ ലഭിക്കും.
കേരളത്തിലോ ഇന്ത്യയിലോ മാത്രമല്ല ആഗോളതലത്തിൽ തന്നെ സ്ത്രീകളുടെ മനോഭാവത്തിൽ മാറ്റം വരുന്നു എന്നതായി പല സർവേകള്‍.
ഭർത്താവ്, മക്കൾ എന്ന ചിന്തയ്ക്കപ്പുറം ലോകമുണ്ടെന്ന തിരിച്ചറിവിലേക്ക് സ്ത്രീകൾ എത്തുന്നത് തൊഴിൽ സംസ്കാരത്തിലും സമ്പദ് വ്യവസ്ഥയിലും മാറ്റങ്ങൾ ഉണ്ടാക്കുമെന്ന് മോർഗൻ സ്റ്റാൻലി സർവേ അടിവരയിടുന്നു.