അന്നപൂർണ ജയന്തി; ആരോഗ്യവും സമ്പത്തും സമൃദ്ധിയും നൽകുന്ന അന്നപൂർണ

പാർവതി ദേവിയെ വിവിധ രൂപങ്ങളിൽ സങ്കൽപ്പിക്കുന്നതിൽ ഏറ്റവും പ്രാധാന്യമുള്ള രൂപമാണ് അന്നപൂർണയുടേത്. സാക്ഷാൽ പരമശിവൻ തന്നെ ആഹാരത്തിനായി ദേവിയുടെ മുമ്പിൽ പാത്രം നീട്ടി എന്നാണ് ഐതിഹ്യം. സാധാരണ അടുക്കളയിൽ ഒരു പാത്രത്തിൽ ധാന്യം നിറച്ച് അതിൽ അന്നപൂർണയുടെ വിഗ്രഹം വച്ച് ആരാധിക്കുന്ന പതിവുമുണ്ട്. അന്നപൂർണ ജയന്തി ഇന്നാണ് ആഘോഷിക്കുന്നത്. പാർവതി ദേവിയുടെ അവതാരമായ അന്നപൂർണ ദേവിയുടെ ജന്മദിനമാണ് ഇത്. ഈ ദിവസം സാധാരണയായി മാർഗശീർഷ മാസത്തിലെ പൗർണമി ദിനത്തിലാണ് ആചരിക്കുന്നത്, ഈ വർഷം ഇത് ഡിസംബർ 15നാണ്. 

ഈ ദിവസം ദേവിയുടെ അനുഗ്രഹം തേടി സ്ത്രീകൾ നിർജല വ്രതം ആചരിക്കാറുണ്ട്. കൂടാതെ 'അന്നപൂർണാ ദേവി അഷ്ടകം' പാരായണം ചെയ്യുന്നത് ദേവനെ പ്രീതിപ്പെടുത്താനുള്ള നല്ലൊരു വഴിയാണ്. ഉള്ളിയും വെളുത്തുള്ളിയും ഇല്ലാതെ ഈ ദിവസം സാത്വിക ഭക്ഷണം തയാറാക്കുന്നത് നല്ലതാണ്. എല്ലാ ജീവജാലങ്ങളുടെയും ഉപജീവനം ഉറപ്പാക്കുന്നവർക്ക് അരി അർപ്പിക്കുന്ന 'അന്നാഭിഷേകം' എന്നൊരു ചടങ്ങുമുണ്ട്. തുടർന്ന് 16 തരം വഴിപാടുകൾ ദേവിക്ക് മുന്നിൽ സമർപ്പിക്കുന്ന 'ഷോഡശോപചാർ' പൂജയുണ്ട്.

തിളങ്ങുന്ന വൃത്താകൃതിയിലുള്ള മുഖവും മൂന്ന് കണ്ണുകളും നാല് കൈകളും ഉള്ള സുന്ദരിയായ യുവതിയായാണ് അന്നപൂർണയെ ചിത്രീകരിക്കുന്നത്. ആഭരണങ്ങളാൽ നന്നായി അലങ്കരിച്ച, ദേവിയുടെ വലതുവശത്ത് സ്വർണ്ണ കലത്തിലായി രുചികരമായ കഞ്ഞിയോ ഭക്ഷണമോ അടങ്ങിയ അലങ്കരിച്ച പാത്രവുമുണ്ട്. ദേവിയുടെ മറ്റ് കൈകൾ അഭയയും സംരക്ഷിക്കുന്ന വരദയും മുദ്രകൾ കാണിക്കുന്നു. ചില സ്ഥലങ്ങളിൽ, ദേവി ഒരു സ്വർണ സിംഹാസനത്തിൽ രാജകീയമായി ഇരുന്ന് തലയിൽ ചന്ദ്രക്കല അലങ്കരിക്കുന്നു. കൂടാതെ ശിവൻ ഭിക്ഷാ പാത്രവുമായി അരികിൽ നിൽക്കുന്നതായുള്ള ചിത്രങ്ങളുമുണ്ട്.

അന്നപൂർണയുടെ അനുഗ്രഹം ഭക്തരുടെ ഭൗതിക ആവശ്യങ്ങൾ മാത്രമല്ല, ആത്മീയ ആവശ്യങ്ങളും നിറവേറ്റുന്നു. അവരുടെ വീടുകളിൽ ഒരിക്കലും ഭക്ഷണത്തിനോ മറ്റ് അവശ്യ വസ്തുക്കൾക്കോ ഒരു കുറവും ഉണ്ടാകില്ല. ദേവിയുടെ കൃപയ്ക്ക് ആരോഗ്യവും സമ്പത്തും സമൃദ്ധിയും നൽകാൻ കഴിയും. വിവാഹിതരായ സ്ത്രീകൾക്ക് അവരുടെ ഭർത്താക്കന്മാരുടെ ദീർഘായുസ്സിനും സന്തോഷകരമായ ദാമ്പത്യ ജീവിതത്തിനും പ്രാർഥിക്കാം. ദേവി മായയ്ക്ക്  അതീതമാണ്. കൂടാതെ മുഴുവൻ പ്രപഞ്ചത്തിന്റെയും പരമോന്നത ദേവതയാണ്. ഭത്തെ ഇല്ലാതാക്കി ദേവി സംരക്ഷണവും ക്ഷേമവും നൽകുന്നു എന്നാണ് വിശ്വാസം. കാശി വിശ്വനാഥ ക്ഷേത്രത്തിന് സമീപമാണ് ഇന്ത്യയിലെ ഏറെ പ്രസിദ്ധമായ അന്നപൂർണ ദേവീ ക്ഷേത്രമുള്ളത്.