ഫെബ്രുവരിയിലെ സമ്പൂർണ നക്ഷത്രഫലം ; അനിഴം , തൃക്കേട്ട , മൂലം , പൂരാടം

അനിഴം : സന്ധിസംഭാഷണം, പരീക്ഷ, ഇന്റർവ്യൂ എന്നിവയ്ക്ക് മാസത്തിന്റെ രണ്ടാമത്തെ പകുതി അനുകൂലം. ജീവിത നിലവാരം വർധിക്കും. ജീവകാരുണ്യപ്രവർത്തനങ്ങളിൽ സജീവമായി പ്രവർത്തിക്കുവാനും അനിഴം നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു.

തൃക്കേട്ട: വ്യാപാരവിപണനവിതരണ മേഖലകളിൽ ക്രമാനുഗതമായ പുരോഗതി കൈവരിക്കും. വാഹനം മാറ്റി വാങ്ങും. വിദ്യാർഥികൾക്ക് സമയം അനുകൂലം. ജന്മസിദ്ധമായ കഴിവുകൾ പ്രകടിപ്പിക്കാനുള്ള അവസരം വന്നു ചേരുന്നതിനും തൃക്കേട്ട നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു. 

മൂലം : ഔദ്യോഗികമേഖലയില്‍ സ്ഥാനക്കയറ്റം ലഭിക്കും. വിദ്യാർഥികൾക്ക് ആത്മവിശ്വാസം വര്‍ധിക്കും. നിശ്ചയദാർഢ്യത്തോടു കൂടി ചെയ്യുന്ന കാര്യങ്ങളില്‍ അനുകൂലമായ വിജയം കൈവരിക്കുവാനും മൂലം നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു. 

പൂരാടം: വ്യാപാരവിപണനവിതരണ മേഖലയിലുള്ളവർക്ക് നേട്ടം കുറയും. ഭയഭക്തിബഹുമാനത്തോടെ ചെയ്യുന്ന കാര്യങ്ങളിൽ വിജയം കൈവരിക്കും. ഗൃഹത്തിന്റെ അറ്റകുറ്റപ്പണികൾ തുടങ്ങിവയ്ക്കുവാനും പൂരാടം നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു. 

Content Summary: Monthly Prediction by Kanippayyur February 2023 / Anizham, Thriketta, Moolam, Pooradam