ഈ ആഴ്ച ഓരോ നക്ഷത്രക്കാർക്കും എങ്ങനെ? കാണിപ്പയ്യൂർ

അശ്വതി: ഔദ്യോഗിക തലത്തിൽ അവഗണന മാറി പരിഗണിക്കപ്പെടുന്നതിൽ ആശ്വാസമാകും. കൃത്യനിർവഹണത്തിൽ ലക്ഷ്യപ്രാപ്തി കൈവരിക്കും. സന്താനങ്ങളുടെ ഉന്നതിക്കായി പ്രത്യേക ഈശ്വര പ്രാർഥനകൾ നടത്താനിടവരും.

 

ഭരണി: മനസ്സിലുദ്ദേശിക്കുന്ന കാര്യങ്ങൾ ഈശ്വര പ്രാർഥനകളാൽ സാധ്യമാകും. മുൻകോപം നിയന്ത്രിക്കണം. ബന്ധുവിനു ചികിത്സയ്ക്കു സാമ്പത്തിക സഹായം നൽകാനിട വരും.

Read also : സമ്പൂർണ വാരഫലം (ഏപ്രിൽ 09 - 15)

കാർത്തിക: വിശ്വസ്ത സേവനത്തിനു പ്രശസ്തി പത്രം ലഭിക്കും. വ്യാപാരവ്യവസായങ്ങൾ തുടങ്ങുന്നതിനെപ്പറ്റി പുനരാലോചിക്കും.

 

രോഹിണി: ആത്മവിശ്വാസത്തോടു കൂടി പരീക്ഷയെഴുതാവാൻ സാധിക്കും. മാറ്റിവച്ച ഔദ്യോഗിക ചർച്ചകൾ ലക്ഷ്യപ്രാപ്തിയിലെത്തിക്കുവാൻ സാധിക്കും.

 

മകയിരം: സംരക്ഷിക്കപ്പെടേണ്ടവരിൽ നിന്ന് ഉപേക്ഷാ മനഃസ്ഥിതി വന്നുചേർന്നതിനാൽ മനോവിഷമം തോന്നും. മാതാപിതാക്കളുടെ നിർബന്ധ പ്രകാരം കക്ഷിരാഷ്ട്രീയ പ്രവർത്തനങ്ങൾ ഉപേക്ഷിക്കും.

 

തിരുവാതിര: പാരമ്പര്യ പ്രവൃത്തികളുടെ പ്രാധാന്യം മനസ്സിലാക്കി പ്രവർത്തിക്കുന്ന സന്താനങ്ങളുടെ സമീപനത്തിൽ ആശ്വാസം തോന്നും.

 

പുണർതം: സജ്ജന സംസർഗത്താൽ സദ്ചിന്തകൾ വർധിക്കും. ഗൗരവമുള്ള വിഷയങ്ങൾ ലാഘവത്തോടു കൂടി കൈകാര്യം ചെയ്യുവാൻ സാധിക്കും.

 

പൂയം: ഉദ്യോഗത്തോടനുബന്ധമായി ഉപരിപഠനത്തിനു ചേരും. സന്ധിവേദന വർധിക്കും. ആത്മവിശ്വാസവും കാര്യനിർവഹണ ശക്തിയും വർധിക്കും.

 

ആയില്യം: പുത്രപൗത്രാദികളുടെ സാന്ത്വന സമീപനം ആശ്വാസത്തിനു വഴിയൊരുക്കും. ഹ്രസ്വകാല പദ്ധതിയിൽ പണം നിക്ഷേപിക്കും.

 

മകം: സദ്ചിന്തകളാൽ സൽക്കർമ പ്രവണത വർധിക്കും. അവധിയെടുത്തു വിവാഹം, ഉത്സവാഘോഷങ്ങൾ തുടങ്ങിയവയിൽ പങ്കെടുക്കും.

 

പൂരം: പരീക്ഷണ നിരീക്ഷണങ്ങളിൽ വിജയിക്കും. ജീവിതപങ്കാളിയുടെ അഭിവൃദ്ധിക്കായി പ്രത്യേക പ്രാർഥനകൾ നടത്തും.

 

ഉത്രം: ആശയങ്ങൾ വ്യത്യസ്തമായതിനാൽ കൂട്ടുകച്ചവടത്തിൽ നിന്നു പിന്മാറി സ്വന്തമായ കർമമേഖലകൾക്കു തുടക്കം കുറിക്കും. ആരോഗ്യം തൃപ്തികരമായിരിക്കും.

 

അത്തം: ആത്മവിശ്വാസവും കാര്യനിർവഹണ ശക്തിയും വർധിക്കും. കലാകായിക മത്സരങ്ങളിൽ പ്രഥമസ്ഥാനം നിലനിർത്തും.

 

ചിത്തിര: ഗൃഹനിർമാണം പൂർത്തീകരിച്ച് ഗൃഹപ്രവേശം നിർവഹിക്കും. സമന്വയ സമീപനം സർവകാര്യ വിജയങ്ങൾക്കും വഴിയൊരുക്കും.

 

ചോതി: വിദഗ്ധ പരിശോധനയ്ക്കു തയാറാകും. ദമ്പതികൾക്ക് ഒരുമിച്ചു താമസിക്കുവാൻ തക്കവണ്ണം ഉദ്യോഗമാറ്റമുണ്ടാകും.

 

വിശാഖം: പഠിച്ച വിഷയത്തോടനുബന്ധമായ മേഖലകളിൽ പ്രവർത്തിക്കുവാൻ അവസരമുണ്ടാകും. പുതിയ സ്നേഹബന്ധം ഉടലെടുക്കും.

 

അനിഴം: ചുമതലയും യാത്രാക്ലേശവും വർധിക്കുന്ന വിഭാഗത്തിലേക്ക് ഉദ്യോഗമാറ്റമുണ്ടാകും. സുതാര്യതക്കുറവിനാൽ സംയുക്ത സംരംഭങ്ങളിൽ നിന്നു പിന്മാറും.

 

തൃക്കേട്ട: ചിരകാലാഭിലാഷ പ്രാപ്തിയായ വിദേശയാത്രയ്ക്ക് അനുമതി ലഭിക്കും. ലക്ഷ്യബോധത്തോടെയുള്ള പുത്രന്റെ സമീപനത്തിൽ അഭിമാനം തോന്നും.

 

മൂലം: പരമാധികാര പദവിക്കുള്ള പരീക്ഷയിൽ വിജയിക്കും. പ്രശസ്തരുടെ വാക്കുകൾ ജീവിതത്തിലെ പ്രധാനപ്പെട്ട തീരുമാനങ്ങൾ കൈക്കൊള്ളാൻ ഉപകരിക്കും.

 

പൂരാടം: പാരമ്പര്യമായി ആർജിച്ച സ്വത്തുക്കൾ അടുത്ത തലമുറയിലുള്ളവർക്കു പകർന്നു കൊടുക്കുവാൻ തീരുമാനിക്കും. കീഴ്ജീവനക്കാരുടെ പിൻബലത്താൽ പുതിയ കരാർ ജോലികൾ ഏറ്റെടുക്കും.

 

ഉത്രാടം: കുടുംബതർക്കം രമ്യമായി പരിഹരിക്കുവാൻ സാധിക്കും. ഔദ്യോഗികമായ അനിശ്ചിതാവസ്ഥകൾ തരണം ചെയ്യുവാൻ പ്രത്യേക ഈശ്വര പ്രാർഥനകൾ നടത്തും.

 

തിരുവോണം: മേലധികാരി നിർദേശിക്കുന്ന കാര്യങ്ങൾ അർധമനസ്സോടു കൂടി അനുസരിക്കും. വ്യവസ്ഥകൾ പാലിക്കുവാൻ കഠിനപ്രയത്നം വേണ്ടിവരും. പ്രവർത്തനക്ഷമതക്കുറവുള്ള ജോലിക്കാരെ പിരിച്ചുവിട്ട് ഉത്സാഹികളായ ഉദ്യോഗസ്ഥരെ നിയമിക്കും. 

 

അവിട്ടം: വസ്തുതർക്കം പരിഹരിക്കുവാൻ വിട്ടുവീഴ്ചയ്ക്കു തയാറാകും. വിദ്യാർഥികൾക്ക് ഉത്സാഹവും ഉന്മേഷവും വർധിക്കും.

 

ചതയം: വിവിധോദ്ദേശ്യങ്ങൾക്കായി അവധിയെടുക്കും. സാമ്പത്തിക ക്രയവിക്രയങ്ങളിൽ വളരെ സൂക്ഷിക്കണം. ദാനധർമാദികൾക്കായി പണം ചെലവഴിക്കും.

 

പൂരുരുട്ടാതി: ആത്മവിശ്വാസക്കുറവിനാൽ പുതിയ കരാർ ജോലികളിൽ നിന്നു പിന്മാറും. സന്താനങ്ങളുടെ വിദ്യാഭ്യാസ ആവശ്യങ്ങൾക്കായി കടം വാങ്ങുവാനിടവരും.

 

ഉത്തൃട്ടാതി: വ്യാപാര വ്യവസായ സ്ഥാപനത്തിൽ ജോലിക്കാരെ പിരിച്ചുവിടുവാൻ നടപടികളെടുക്കും. സഹായ സ്ഥാനത്തുള്ളവരുടെ വിപരീത പ്രതികരണം മനോവിഷമത്തിന് ഇടയാക്കും.

 

രേവതി: വിജ്ഞാനപ്രദമായ വിഷയങ്ങൾ മറ്റുള്ളവർക്കു പറഞ്ഞുകൊടുക്കുന്നതിൽ ആത്മസംതൃപ്തിയുണ്ടാകും. പ്രതിസന്ധികളിൽ തളരാതെ പ്രവർത്തിക്കുവാനുള്ള ആർജവമുണ്ടാകും. 

Content Summary : Weekly Prediction by Kanippayyur / 2023 April 09 to 15