ഈ ആഴ്ച ഓരോ നക്ഷത്രക്കാർക്കും എങ്ങനെ? കാണിപ്പയ്യൂർ

അശ്വതി– ഭരണസംവിധാനത്തിൽ കാലാനുസൃതമായ മാറ്റങ്ങൾ വരുത്തുവാൻ നിർബന്ധിതനാകും. കൂട്ടുകച്ചവടത്തിൽനിന്നു പിന്മാറി പാരമ്പര്യപ്രവൃത്തികളിൽ വ്യാപൃതനാകും. 

ഭരണി – ആശയവിനിമയങ്ങളിൽ അപാകതകളുണ്ടാകാതെ സൂക്ഷിക്കണം. കുടുംബസമേതം പുണ്യതീർത്ഥയാത്ര പുറപ്പെടും. ഔദ്യോഗികമായി ദൂരയാത്രകളും ചർച്ചകളും ആവശ്യമായി വരും. 

കാർത്തിക - വർഷങ്ങൾക്കു ശേഷം ഗൃഹനിർമാണം പൂർത്തീകരിച്ച് ഗൃഹപ്രവേശനകർമം നിർവഹിക്കും. അനുകൂല സാഹചര്യത്തിലായിരുന്നവർ ചിലപ്പോൾ വിപരീതമായി തീരും. 

Read also : അതിവിശേഷമായ പത്താമുദയം; ഇങ്ങനെ അനുഷ്ഠിച്ചാൽ

രോഹിണി – പുതിയ വ്യവസായത്തിനു തുടക്കം കുറിക്കും. സർവകാര്യങ്ങൾക്കും പ്രതിസന്ധികൾ വന്നുചേരുന്നതിനാൽ മനോവിഷമമുണ്ടാകും. 

മകയിരം - ദേഹാസ്വാസ്ഥ്യത്താൽ അവധിയെടുത്ത് വിദഗ്ധ പരിശോധനയ്ക്ക് വിധേയനാകും. സാമ്പത്തിക ദുരുപയോഗം ചെയ്യുന്ന ജോലിക്കാരെ പിരിച്ചുവിടും. 

തിരുവാതിര - സംസർഗ ഗുണത്താൽ സദ്ചിന്തകൾ വർധിക്കും. ശാസ്ത്രീയ പ്രായോഗിക വശങ്ങൾ പരിഗണിച്ചു ചെയ്യുന്നതെല്ലാം അന്തിമമായി വിജയിക്കും.

പുണർതം – വ്യാപാര വിപണന മേഖലകളിൽ ഉണർവുണ്ടാകും. സഹപ്രവർത്തകന്റെ കുടുംബകാര്യങ്ങളിൽ അഭിപ്രായം പറയേണ്ടതായി വരും. ബന്ധുവിന്റെ തെറ്റിദ്ധാരണകൾക്കു വിശദീകരണം നൽകും. 

പൂയം – അവധിയെടുത്ത് മംഗളകർമങ്ങളിൽ പങ്കെടുക്കും. ഔദ്യോഗികമായി ദൂരയാത്രകളും ചർച്ചകളും വേണ്ടിവരും. ഉപദേശങ്ങളും നിർദേശങ്ങളും മറ്റുള്ളവർക്ക് പറഞ്ഞുകൊടുക്കുന്നതിൽ ആത്മസംതൃപ്തിയുണ്ടാകും. 

ആയില്യം - ഭാവിയിൽ വഴിത്തിരിവുണ്ടാകാൻ സാധ്യതയുള്ള മേഖലയിൽ പ്രവർത്തിക്കുവാൻ അവസരമുണ്ടാകും. മനസ്സിലുദ്ദേശിക്കുന്ന കാര്യങ്ങൾ നിഷ്പ്രയാസം സാധിക്കും. 

മകം - പണിചെയ്തുവരുന്ന ഗൃഹം വാങ്ങുവാൻ പ്രാഥമികസംഖ്യ കൊടുത്ത് കരാറെഴുതും. സമൂഹത്തിൽ ഉന്നതരുമായി സൗഹൃദത്തിലേർപ്പെടുവാൻ അവസരമുണ്ടാകും. പുതിയ കരാറുജോലികൾ ഏറ്റെടുക്കും. 

പൂരം – സഹകരണ പ്രസ്ഥാനങ്ങൾക്കു സാരഥ്യസ്ഥാനം വഹിക്കും. മനസ്സിലുദ്ദേശിക്കുന്ന കാര്യങ്ങൾ ബന്ധുസഹായത്താൽ സാധ്യമാകും. 

ഉത്രം - ഉദ്യോഗത്തിന് നിയമനാനുമതി ലഭിച്ചതിൽ ആശ്വാസമാകും. വ്യാപാരം ഉപേക്ഷിച്ച് ഉദ്യോഗമന്വേഷിച്ച് വിദേശയാത്ര പുറപ്പെടും. ഗൃഹനിർമാണത്തിനു പ്രാരംഭ നടപടികൾ തുടങ്ങിവയ്ക്കും. 

അത്തം – കടംവാങ്ങിയ സംഖ്യ തിരിച്ചുകൊടുക്കുവാൻ ഭൂമി വിൽക്കുവാൻ തയാറാകും. കുടുംബതർക്കങ്ങളിൽ നിഷ്പക്ഷ മനോഭാവം സ്വീകരിക്കണം. സാമ്പത്തിക അനിശ്ചിതാവസ്ഥകൾക്ക് ശാശ്വത പരിഹാരം കണ്ടെത്തും.

ചിത്തിര - ജീവിത പങ്കാളിയുടെ സാന്ത്വന വചനങ്ങൾ ആശ്വാസത്തിന് വഴിയൊരുക്കും. രക്തദൂഷ്യജന്യങ്ങളായ രോഗപീഡകൾ വർധിക്കും. 

ചോതി – നിരവധി കാര്യങ്ങൾ നിഷ്കർഷയോടുകൂടി ചെയ്തുതീർക്കും. മനസ്സാക്ഷിക്ക് വിരുദ്ധമായ പ്രവർത്തനങ്ങളിൽനിന്നും പിന്മാറും. സാമ്പത്തിക അനിശ്ചിതാവസ്ഥ തരണംചെയ്യും.

വിശാഖം – ദേവാലയ ദർശനം നടത്തുവാനിടവരും. വിദഗ്ധോപദേശം സ്വീകരിച്ച് പുതിയ കർമപദ്ധതികളിൽ പണം മുടക്കും. ആശയ വിനിമയങ്ങളിൽ അപാകതകളുണ്ടാകാതെ സൂക്ഷിക്കണം. 

അനിഴം – ശത്രുതാ മനോഭാവത്തിലായിരുന്നവർ മിത്രങ്ങളായി തീരും. അനുചിത പ്രവൃത്തികളിൽനിന്ന് ഒഴിഞ്ഞുമാറാൻ ഉൾപ്രേരണയുണ്ടാകും. 

തൃക്കേട്ട – മനസ്സിലുദ്ദേശിക്കുന്ന കാര്യങ്ങൾ നിഷ്പ്രയാസം സാധിക്കും. സാമ്പത്തിക വിഭാഗത്തിൽനിന്നു പിന്മാറും. ഏറക്കുറെ പണി പൂർത്തിയായ ഗൃഹം വാങ്ങുവാനിടവരും. 

മൂലം – ആത്മവിശ്വാസത്തോടുകൂടി പരീക്ഷയെഴുതാൻ സാധിക്കും. വ്യവസ്ഥകൾ പാലിക്കുവാൻ അത്യധ്വാനം വേണ്ടിവരും. വരവും ചെലവും തുല്യമായിരിക്കും. 

പൂരാടം – ബന്ധുവിന്റെ സ്വകാര്യ ആവശ്യങ്ങൾക്കായി അവധിയെടുത്ത് ദൂരയാത്ര വേണ്ടിവരും. കുടുംബത്തിൽ സ്വസ്ഥതയും സമാധാനവും ഉണ്ടാകും. 

ഉത്രാടം – സൽകീർത്തിയും സജ്ജനപ്രീതിയും വന്നുചേരും. പ്രവൃത്തിപഥങ്ങളിൽ ആത്മാർഥമായി പ്രവർത്തിക്കുന്നതുവഴി സൽകീർത്തിയും സജ്ജനപ്രീതിയും വന്നുചേരും. 

തിരുവോണം – നീതിയുക്തമായ സമീപനത്താൽ വിപരീത സാഹചര്യങ്ങളെ അതിജീവിക്കും. ദേഹക്ഷീണം വർധിക്കുന്നതിനാൽ വിദഗ്ധ പരിശോധനയ്ക്ക് തയാറാകും. 

അവിട്ടം – വിവിധങ്ങളും വ്യത്യസ്തങ്ങളുമായ പ്രവർത്തനങ്ങൾ നിശ്ചിത സമയപരിധിക്കുള്ളിൽ ചെയ്തുതീർക്കും. തൊഴിൽ മേഖലകളിൽ ചുമതലകൾ വർധിക്കും. 

ചതയം - നീതിയുക്തമായ തീരുമാനങ്ങളും പ്രവർത്തനങ്ങളും ലക്ഷ്യപ്രാപ്തി കൈവരിക്കാൻ ഉപകരിക്കും. സമാന ചിന്താഗതിയിലുള്ളവരുമായി സൗഹൃദബന്ധത്തിലേർപ്പെടാൻ അവസരമുണ്ടാകും. 

പൂരുരുട്ടാതി - സങ്കീർണമായ പ്രശ്നങ്ങൾക്ക് ശാശ്വതപരിഹാരം കണ്ടെത്തും. പക്വതയുള്ള സന്താനങ്ങളുടെ സമീപനം ആശ്വാസത്തിന് വഴിയൊരുക്കും

ഉതൃട്ടാതി – കുടുംബജീവിതത്തിൽ സ്വസ്ഥതയും സമാധാനവും ഉണ്ടാകും. 

 ജീവിതപങ്കാളിയുടെ ആശയങ്ങൾ ദീർഘകാല സുരക്ഷാപദ്ധതിക്ക് അനുയോജ്യമായതിനാൽ സർവാത്മനാ സ്വീകരിക്കും. 

രേവതി - ആദർശശുദ്ധിയോടുകൂടിയ പ്രവർത്തനങ്ങൾ ലക്ഷ്യപ്രാപ്തി കൈവരിക്കും. വസ്തുതർക്കം പരിഹരിക്കപ്പെടും. നിരപരാധിത്വം തെളിയിക്കാവാൻ അവസരമുണ്ടാകും.

Content Summary : Weekly Star Prediction by Kanippayyur / 2023 April 23 to 29