ഓഗസ്റ്റിലെ സമ്പൂർണ നക്ഷത്രഫലം ; അശ്വതി, ഭരണി , കാർത്തിക, രോഹിണി

അശ്വതി: ഏറ്റെടുത്ത കർമമണ്ഡലങ്ങളില്‍ പുരോഗതി കൈവരിക്കും. ഉദ്യോഗത്തിൽ സ്ഥാനക്കയറ്റം ലഭിക്കും. പദ്ധതി സമർപ്പണത്തിൽ ലക്ഷ്യപ്രാപ്തി നേടുവാനും അശ്വതി നക്ഷത്രക്കാർക്ക് ഈ ഓഗസ്റ്റ് മാസത്തിൽ യോഗം കാണുന്നു. 

ഭരണി: നിശ്ചയിച്ചുറപ്പിച്ച കാര്യങ്ങളിൽ അനുകൂലമായ വിജയം കൈവരിക്കും. പഠിച്ച വിഷയത്തോടനുബന്ധമായ ഉദ്യോഗത്തിന് യോഗം കാണുന്നു. പുണ്യതീര്‍ഥ യാത്രകൾക്ക് അവസരം വന്നു ചേരുവാനും ഭരണി നക്ഷത്രക്കാർക്ക് ഈ ഓഗസ്റ്റ് മാസത്തിൽ യോഗം കാണുന്നു. 

കാർത്തിക: ഔദ്യോഗിക മേഖലകളിൽ കൂടുതൽ പ്രയത്നം വേണ്ടി വരും. ഉദ്ദേശിച്ച വിഷയത്തിൽ ഉപരിപഠനത്തിന് അവസരം വന്നു ചേരും. ആരോഗ്യകാര്യങ്ങളിൽ കൂടുതൽ ശ്രദ്ധ വേണം. പരിശ്രമങ്ങൾക്കും പ്രയത്നങ്ങൾക്കും അനുകൂലമായ ഫലം വന്നു ചേരുവാനും കാർത്തിക നക്ഷത്രക്കാർക്ക് ഈ ഓഗസ്റ്റ് മാസത്തിൽ യോഗം കാണുന്നു.

രോഹിണി: ജീവിതനിലവാരം വർധിക്കും. ഔദ്യോഗിക മേഖലകളില്‍ ചുമതലകൾ വർധിക്കും. മാസത്തിന്റെ രണ്ടാമത്തെ പകുതി അനുകൂലം. വിജ്ഞാനം ആർജിക്കുവാനും മറ്റുള്ളവർക്കു പകർന്നു കൊടുക്കാനുമുള്ള അവസരം വന്നു ചേരുവാനും രോഹിണി നക്ഷത്രക്കാർക്ക് ഈ ഓഗസ്റ്റ് മാസത്തിൽ യോഗം കാണുന്നു.