ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി: പ്രതികൂല സാഹചര്യങ്ങളെ അതിജീവിക്കുവാൻ സാധിക്കും. പ്രവർത്തനമേഖലയിൽ വ്യത്യസ്‌തമായ ശൈലി അവലംബിക്കും. 

ഭരണി: ആഗ്രഹസാഫല്യത്താൽ ആത്മനിർവൃതിയുണ്ടാകും. സഹപ്രവർത്തകരുടെ സഹായത്താൽ പുതിയ ചുമതലകൾ ഏറ്റെടുക്കുവാനിടവരും.

കാർത്തിക: പാരമ്പര്യപ്രവൃത്തികളിൽ വ്യാപൃതനാകും. വരവും ചെലവും തുല്യമായിരിക്കും. കാര്യകാരണസഹിതം സമർപ്പിക്കുന്ന പദ്ധതികൾക്കു സർക്കാർ തലത്തിൽ നിന്നും അനുകൂല തീരുമാനങ്ങൾ ഉണ്ടാകും.

രോഹിണി: കലാ–കായിക മത്സരങ്ങൾക്കു പരിശീലനം തുടങ്ങും. ശുഭാപ്‌തിവിശ്വാസത്താൽ പുതിയ പ്രവർത്തനങ്ങൾ ഏറ്റെടുക്കും. വിശ്വാസയോഗ്യമായ പദ്ധതികളിൽ പണം മുടക്കും.

മകയിരം: സാഹചര്യങ്ങൾക്കനുസരിച്ചു സ്വയംപര്യാപ്തത ആർജിക്കും. ഗുരുനാഥന്റെ ഉപദേശം സ്വീകരിച്ചു പുതിയ പ്രവർത്തനങ്ങൾ ആവിഷ്കരിക്കും.

തിരുവാതിര: ദാമ്പത്യസൗഖ്യവും കുടുംബത്തിൽ സ്വസ്ഥതയും സമാധാനവും ഉണ്ടാകും. ആശയവിനിമയങ്ങളിൽ അപാകതകൾ ഉണ്ടാകാതെ സൂക്ഷിക്കണം. ഉദരരോഗപീഡകൾ വർധിക്കും.

പുണർതം: പുതിയ ഭരണസംവിധാനം നടപ്പിൽ വരുത്തുവാൻ മേലധികാരികളുടെ അനുമതി തേടും. ബന്ധുസഹായത്താൽ വ്യാപാരം വിപുലീകരിക്കും. പ്രവൃത്തിമണ്ഡലങ്ങളിൽ നിന്നും സാമ്പത്തികനേട്ടം ഉണ്ടാകുമെങ്കിലും ചെലവിനങ്ങളിൽ നിയന്ത്രണം വേണം.

പൂയം: സത്യസന്ധമായ പ്രവർത്തനങ്ങൾ ലക്ഷ്യപ്രാപ്‌തി കൈവരിക്കും. ക്രയവിക്രയങ്ങളിൽ സാമ്പത്തികനേട്ടം ഉണ്ടാകും. വാക്കും പ്രവൃത്തിയും ഫലപ്രദമാകും.

ആയില്യം: സ്വന്തമായി വ്യാപാരം തുടങ്ങുവാൻ തീരുമാനിക്കും. കാര്യസാധ്യങ്ങൾക്കായി നിലപാടിൽ മാറ്റങ്ങൾ വരുത്തുവാൻ തയാറാകും.

മകം: ഗൃഹനിർമാണം പുനരാരംഭിക്കും. കലാകായിക മത്സരങ്ങൾക്കു പരിശീലനം തുടങ്ങും. അപ്രധാനമായ കാര്യങ്ങൾ ആലോചിച്ച് ആധി വർധിക്കും.

പൂരം: അസുഖങ്ങൾക്ക് ആയുർവേദ ചികിത്സ തുടങ്ങും. ഗൃഹപ്രവേശന ചടങ്ങ് നിർവഹിക്കും. ദാമ്പത്യ ഐക്യമുണ്ടാകും.

ഉത്രം: കാര്യനിർവഹണശക്തി വർധിക്കും. വിദേശ ഉദ്യോഗത്തിൽ പ്രതീക്ഷിച്ച നേട്ടമില്ലാത്തതിനാൽ ജന്മനാട്ടിലേക്കു തിരിച്ചുപോകുവാൻ ആലോചിക്കും.

അത്തം: പാരമ്പര്യപ്രവൃത്തികളിൽ പരിശീലനം തേടും. സന്താനങ്ങളുടെ ഉയർച്ചയിൽ ആശ്വാസവും ആത്മാഭിമാനവും തോന്നും.

ചിത്തിര: ഉദ്യോഗത്തോടനുബന്ധമായി ഉപരിപഠനത്തിനു ചേരുവാനുള്ള സാഹചര്യമുണ്ടാകും. വിശേഷപ്പെട്ട ദേവാലയദർശനം നടത്തുവാനിടവരും.

ചോതി: അവധിയെടുത്തു മംഗളകർമങ്ങളിൽ പങ്കെടുക്കും. വിജ്ഞാനം ആർജിക്കുവാനും പകർന്നുകൊടുക്കുവാനും അവസരമുണ്ടാകും.

വിശാഖം: സ്ഥിതിഗതികൾ വിലയിരുത്തി പുതിയ കർമമേഖലകൾക്കു തുടക്കം കുറിക്കും. സാഹസപ്രവൃത്തികളിൽ നിന്നും സ്വയം പിന്മാറും. വാഹനം മാറ്റിവാങ്ങുവാനിടവരും.

അനിഴം: ആത്മവിശ്വാസത്തോടുകൂടി പുതിയ ചുമതലകൾ ഏറ്റെടുക്കും. കാര്യനിർവഹണശക്തിയും ഉത്സാഹവും ഉന്മേഷവും വർധിക്കും.

തൃക്കേട്ട: വിശേഷപ്പെട്ട ദേവാലയദർശനം നടത്തുവാനിടവരും. നേർന്നുകിടപ്പുള്ള വഴിപാടുകൾ ചെയ്തുതീർക്കുവാനിടവരും. വാക്കും പ്രവൃത്തിയും ഫലപ്രദമാകും.

മൂലം: ജാമ്യം നിൽക്കുന്നതിൽ നിന്നും പിന്മാറണം. വിട്ടുവീഴ്ചാ മനോഭാവത്താൽ ദാമ്പത്യസൗഖ്യവും കുടുംബത്തിൽ സ്വസ്ഥതയും സമാധാനവും ഉണ്ടാകും. മുൻകോപം നിയന്ത്രിക്കണം.

പൂരാടം: ഉപരിപഠനത്തിന് അന്യസംസ്ഥാനത്തിൽ പ്രവേശനം ലഭിക്കും. സഹകരണ പ്രസ്ഥാനങ്ങളുടെ സാരഥ്യം ഏറ്റെടുക്കുവാൻ തയാറാകും.

ഉത്രാടം: കുടുംബസമേതം മംഗളകർമങ്ങളിൽ പങ്കെടുക്കും. സന്താനങ്ങളുടെ സാമീപ്യം ആശ്വാസത്തിനു വഴിയൊരുക്കും.

തിരുവോണം: അമിതമായ ആത്മവിശ്വാസം അബദ്ധങ്ങൾക്കു വഴിയൊരുക്കും. ആരോഗ്യസംരക്ഷണത്തിൽ ശ്രദ്ധിക്കുവാൻ നിർബന്ധിതനാകും.

അവിട്ടം: മാതാപിതാക്കളുടെ ആവശ്യങ്ങൾ സാധിപ്പിക്കും. ബന്ധുവിന്റെ ഗൃഹപ്രവേശന ചടങ്ങിൽ പങ്കെടുക്കും.

ചതയം: കാര്യനിർവഹണശക്തി വർധിക്കും. പുതിയ ഭരണസംവിധാനം അവലംബിക്കും. പ്രയത്നങ്ങൾക്കു ഫലമുണ്ടാകും.

പൂരുരുട്ടാതി: ദമ്പതികളുടെ ആശയങ്ങൾക്കു ശുഭസൂചനകൾ ലഭിക്കും. ആഗ്രഹങ്ങൾ സഫലമാകും. ഗൃഹനിർമാണത്തിനുള്ള ഭൂമി വാങ്ങുവാനിടവരും.

ഉത്തൃട്ടാതി: ഔദ്യോഗികമായി അന്യദേശയാത്രയ്ക്ക് അവസരമുണ്ടാകും. അന്തിമമായി വ്യവഹാരത്തിൽ വിജയം കൈവരിച്ചതിനാൽ ആശ്വാസമാകും. മാതാവിന് അഭിവൃദ്ധിയുണ്ടാകും.

രേവതി: ജാമ്യം നിൽക്കരുത്. പദ്ധതി ആസൂത്രണങ്ങളിൽ ലക്ഷ്യപ്രാപ്‌തി നേടും. പൂർവികസ്വത്ത് രേഖാപരമായി ലഭിക്കും.