ലിഫ്റ്റുകൾ പകുതിയും പണിമുടക്കിൽ; മെഡിക്കൽ കോളജിൽ സ്ഥിതി ഗുരുതരം
അമ്പലപ്പുഴ ∙ മെഡിക്കൽ കോളജ് ആശുപത്രിയിലെ സുഗമമായ പ്രവർത്തനത്തിനു രോഗികൾക്കും ഡോക്ടർമാർക്കും ജീവനക്കാർക്കും അനിവാര്യമായ ലിഫ്റ്റുകളിൽ പകുതിയിൽ അധികം തകരാറിലായിട്ട് 4 മാസം പിന്നിടുന്നു. ആശുപത്രിയിൽ ആകെ 15 ലിഫ്റ്റുകൾ ഉള്ളതിൽ 8 എണ്ണവും ഇപ്പോൾ പ്രവർത്തനരഹിതമാണ്. ജി വൺ ബ്ലോക്കിലെ ലിഫ്റ്റിന്റെ മേൽക്കൂര
അമ്പലപ്പുഴ ∙ മെഡിക്കൽ കോളജ് ആശുപത്രിയിലെ സുഗമമായ പ്രവർത്തനത്തിനു രോഗികൾക്കും ഡോക്ടർമാർക്കും ജീവനക്കാർക്കും അനിവാര്യമായ ലിഫ്റ്റുകളിൽ പകുതിയിൽ അധികം തകരാറിലായിട്ട് 4 മാസം പിന്നിടുന്നു. ആശുപത്രിയിൽ ആകെ 15 ലിഫ്റ്റുകൾ ഉള്ളതിൽ 8 എണ്ണവും ഇപ്പോൾ പ്രവർത്തനരഹിതമാണ്. ജി വൺ ബ്ലോക്കിലെ ലിഫ്റ്റിന്റെ മേൽക്കൂര
അമ്പലപ്പുഴ ∙ മെഡിക്കൽ കോളജ് ആശുപത്രിയിലെ സുഗമമായ പ്രവർത്തനത്തിനു രോഗികൾക്കും ഡോക്ടർമാർക്കും ജീവനക്കാർക്കും അനിവാര്യമായ ലിഫ്റ്റുകളിൽ പകുതിയിൽ അധികം തകരാറിലായിട്ട് 4 മാസം പിന്നിടുന്നു. ആശുപത്രിയിൽ ആകെ 15 ലിഫ്റ്റുകൾ ഉള്ളതിൽ 8 എണ്ണവും ഇപ്പോൾ പ്രവർത്തനരഹിതമാണ്. ജി വൺ ബ്ലോക്കിലെ ലിഫ്റ്റിന്റെ മേൽക്കൂര
അമ്പലപ്പുഴ ∙ മെഡിക്കൽ കോളജ് ആശുപത്രിയിലെ സുഗമമായ പ്രവർത്തനത്തിനു രോഗികൾക്കും ഡോക്ടർമാർക്കും ജീവനക്കാർക്കും അനിവാര്യമായ ലിഫ്റ്റുകളിൽ പകുതിയിൽ അധികം തകരാറിലായിട്ട് 4 മാസം പിന്നിടുന്നു. ആശുപത്രിയിൽ ആകെ 15 ലിഫ്റ്റുകൾ ഉള്ളതിൽ 8 എണ്ണവും ഇപ്പോൾ പ്രവർത്തനരഹിതമാണ്. ജി വൺ ബ്ലോക്കിലെ ലിഫ്റ്റിന്റെ മേൽക്കൂര അഴിച്ചിട്ട നിലയിലാണ്. മേൽക്കൂര ഇല്ലാത്തതിനാൽ ചോർച്ചയും പതിവായി. മഴ നനഞ്ഞു ലിഫ്റ്റിന്റെ തകരാർ കൂടുതൽ ഗുരുതരമാകാനും സാധ്യതയുണ്ട്.
ഡി വൺ, ഡി 2 ലിഫ്റ്റുകളിൽ ഡി 2 ലിഫ്റ്റിന്റെ സ്വിച്ചുകളും പ്രവർത്തനരഹിതമാണ്. ലിഫ്റ്റുകൾ തകരാറിലാണ് എന്ന ബോർഡ് പതിച്ചതിനു മുന്നിലെത്തുന്ന അവശരായ രോഗികൾ ലിഫ്റ്റിൽ കയറാൻ കഴിയാതെ ഗോവണിപ്പടി കയറി പോകുന്നതു പതിവ് കാഴ്ചയാണ്. ലിഫ്റ്റുകൾ തകരാറിലാണ് എന്ന് രോഗികളും ഡോക്ടർമാരും ആശുപത്രി അധികാരികളെ പല വട്ടം അറിയിച്ചിട്ടും പരിഹരിക്കാൻ തീരുമാനമായിട്ടില്ല.
15 ലിഫ്റ്റുകൾക്കുമായി വർഷം 48 ലക്ഷം രൂപയാണ് അറ്റകുറ്റപ്പണിക്കായി ചെലവിടുന്നത്. സർവീസ് ഏറ്റെടുത്ത ഏജൻസി മുൻകൂട്ടി അറിയിപ്പില്ലാതെ വരുന്നതിനാൽ ലിഫ്റ്റ് ടെക്നിഷ്യൻമാരുടെ സാന്നിധ്യം പലപ്പോഴും കാണില്ല. പേരിനു സർവീസ് നടത്തി ഏജൻസിയുടെ ജീവനക്കാർ മടങ്ങുകയാണ് പതിവ്. ലിഫ്റ്റുകളുടെ തകരാർ പരിഹരിക്കുന്നതിനെ കുറിച്ച് പ്രതികരിക്കാൻ ആശുപത്രി അധികാരികൾ തയാറായിട്ടില്ല.