എറണാകുളം ജില്ലയിൽ ഇന്ന് (05-10-2024); അറിയാൻ, ഓർക്കാൻ

11 കെവി ലൈനിൽ വൈദ്യുതി പ്രവഹിക്കും
പെരുമ്പാവൂർ∙  പൂപ്പാനി റോഡിൽ തൊടാപറമ്പിൽ നിന്ന് തേജസ്‌ ട്രാൻസ്‌ഫോമർ വരെ പുതിയതായി വലിച്ചിരിക്കുന്ന 11 കെവി എബിസി  ലൈനിൽ  ഇന്നു മുതൽ വൈദ്യുതി പ്രവഹിക്കുമെന്നതിനാൽ  ലൈനുമായി സമ്പർക്കം പാടില്ലെന്ന് അധികൃതർ അറിയിച്ചു.

വൈദ്യുതി മുടക്കം
തേജസ്,വ്യാസ,നിയോപ്ലാസ്‌റ്റ ട്രാൻസ്ഫോമർ പരിധിയിലുള്ള ലൈനുകളിൽ 9 മുതൽ 5 വരെ.

അധ്യാപക ഒഴിവ്
ഉൗരമന∙ ഗവ. ഹയർ സെക്കൻഡറി സ്കൂളിൽ ഹിന്ദി  അധ്യാപക ഒഴിവ്. കൂടിക്കാഴ്ച 7നു 2ന്.
കാക്കനാട്∙ പടമുകൾ ഗവ.യുപി സ്കൂളിൽ മാത്‍സ്, ഹിന്ദി അധ്യാപക ഒഴിവ്. കൂടിക്കാഴ്ച തിങ്കൾ 11ന്.

ക്യാംപ് നാളെ
വരാപ്പുഴ∙ കൂനമ്മാവ് ഹെൽപ് ടീമിന്റെയും കൂനമ്മാവ് ലിറ്റിൽ ഫ്ലവർ ആശുപത്രിയുടെയും നേതൃത്വത്തിൽ നടത്തുന്ന നേത്ര ചികിത്സ-തിമിര ശസ്ത്രക്രിയ ക്യാംപ് നാളെ രാവിലെ 9 മുതൽ കൂനമ്മാവ് ഗ്രേയ്സ് പവലിയൻ ഹാളിൽ നടക്കും. 8592955421

ഇ– വേസ്റ്റ് ശേഖരിക്കും
തിരുമാറാടി∙ പഞ്ചായത്തിൽ 9ന് രാവിലെ 9 മുതൽ 12 വരെ കുപ്പി, കുപ്പിച്ചില്ല്, ചെരിപ്പ്, ബാഗ്, ഇ– വേസ്റ്റ് എന്നിവ ശേഖരിക്കും. കാക്കൂർ മാർക്കറ്റ്, ഒലിയപ്പുറം കമ്യൂണിറ്റി ഹാൾ, മണ്ണത്തൂർ കാർഷിക വിപണന കേന്ദ്രം, തിരുമാറാടി ആർപിഎസ്, വെട്ടിമൂട് എംസിഎഫ് കവല എന്നിവിടങ്ങളാണ് ശേഖരണ കേന്ദ്രങ്ങൾ.