കൊല്ലം ജില്ലയിൽ ഇന്ന് (03-07-2024); അറിയാൻ, ഓർക്കാൻ

ക്ലോറിനേഷൻ;ശുദ്ധജലം ശ്രദ്ധയോടെ ഉപയോഗിക്കണം: കരുനാഗപ്പള്ളി ∙കേരള ജല അതോറിറ്റി ഓച്ചിറ പി.എച്ച്.സെക്ഷന്റെ പരിധിയിൽ വരുന്ന കരുനാഗപ്പള്ളി നഗരസഭ, ക്ലാപ്പന, ഓച്ചിറ, ആലപ്പാട് എന്നീ പഞ്ചായത്തുകളിൽ വിതരണം ചെയ്യുന്ന ജലത്തിന്റെ ഗുണനിലവാരം ഉറപ്പാക്കുന്നതിനു വേണ്ടി സൂപ്പർ ക്ലോറിനേഷൻ നടത്തും.  നാളെ  കരുനാഗപ്പള്ളി നഗരസഭ, ക്ലാപ്പന, ഓച്ചിറ,ആലപ്പാടിന്റെ 1 മുതൽ 8 വരെയുള്ള വാർഡുകൾ, 5 ന് ആലപ്പാട് പഞ്ചായത്തിലെ 9 മുതൽ 16 വരെയുള്ള വാർഡുകളിലെ ഉപഭോക്താക്കളും വെള്ളം ശ്രദ്ധയോടെ ഉപയോഗിക്കണം.

ഓച്ചിറ∙ഓച്ചിറ കുടിവെള്ള പദ്ധതി വഴി ഓച്ചിറ, ക്ലാപ്പന, ആലപ്പാട് പഞ്ചായത്തുകളിലും കരുനാഗപ്പളളി നഗരസഭയിലും വിതരണം ചെയ്യുന്ന ശുദ്ധജലത്തിന്റെ നിലവാരം ഉറപ്പാക്കുന്നതിനായി സൂപ്പർ ക്ലോറിനേഷൻ നടത്തുന്നതിനാൽ നാളെ  ശുദ്ധജലം ശ്രദ്ധയോടെ ഉപയോഗിക്കണമെന്നു അധികൃതർ അറിയിച്ചു.

അധ്യാപക ഒഴിവ്: അഭിമുഖം 11ന്: കൊട്ടാരക്കര∙ ഐഎച്ച്ആർഡി എൻജിനീയറിങ് കോളജിൽ, ഡെമോൺസ്ട്രേറ്റർ ഇൻ ഇലക്ട്രോണിക്സ്, അസി. പ്രഫസർ ഇൻ ഇംഗ്ലിഷ് എന്നീ തസ്തികകളിൽ അപേക്ഷ ക്ഷണിച്ചു. 11ന് 9.30 ന് അഭിമുഖം നടക്കും. ഫോൺ: 0474 2543300

അധ്യാപക ഒഴിവ്
കൊല്ലം ∙ വള്ളിക്കീഴ് ഗവ. എച്ച്എസിൽ എച്ച്എസ്ടി ഹിന്ദി ഗെസ്റ്റ് അധ്യാപക തസ്തികയിലേക്ക് 5നു രാവിലെ 11ന് അഭിമുഖം നടക്കും.

അഭിമുഖം മാറ്റി
കുണ്ടറ ∙ താലൂക്ക് ആശുപത്രിയിൽ എച്ച്എംസി പരിധിയിൽ സ്റ്റാഫ് നഴ്സ്, ഡയാലിസിസ് ടെക്നിഷ്യൻ എന്നീ ഒഴിവുകളിലേക്കുള്ള അഭിമുഖം മാറ്റി. പുതുക്കിയ തീയതി പിന്നീട് അറിയിക്കും.

വൈദ്യുതി മുടക്കം
കടപ്പാക്കട ∙ ആറാട്ടുകുളം, അസോഷ്യേറ്റഡ്, ആശ്രാമം ഇഎസ്ഐ, ആശ്രാമം ക്ഷേത്രം, ഗെസ്റ്റ് ഹൗസ്, മെഡോസ് എന്നിവിടങ്ങളിൽ ഇന്ന് 9 മുതൽ 5 വരെ.
അയത്തിൽ ∙ ദിവ്യ, കലുങ്ക്, വൈഎംഎ, ജിവി എൽപിഎസ് എന്നിവിടങ്ങളിൽ ഇന്ന് 9 മുതൽ 5 വരെ.
ശക്തികുളങ്ങര ∙ അരവിള ട്രാൻസ്ഫോമർ പരിധിയിൽ 10 മുതൽ 1 വരെയും ബാലാശ്രമം ട്രാൻസ്ഫോമർ പരിധിയിൽ 2 മുതൽ 5 വരെയും ഇന്ന്.
പള്ളിമുക്ക് ∙ കെ–വയൽ, ശക്തി പേപ്പർ: 9 മുതൽ 5 വരെ.

തീയതി നീട്ടി
ചാത്തന്നൂർ ∙ ഗവ. ഐടിഐയിൽ പ്രവേശനത്തിനായി അപേക്ഷ സമർപ്പിക്കേണ്ട അവസാന തീയതി 5 വരെ ദീർഘിപ്പിച്ചു. ഓൺലൈൻ അപേക്ഷ വെരിഫൈ ചെയ്യുന്നതിനുള്ള അവസാന തീയതി 10. പ്രവേശന വിവരങ്ങൾ അടങ്ങിയ പ്രോസ്പെക്ട്സും മാർഗനിർദേശങ്ങളും വെബ്സൈറ്റിൽ ലഭ്യമാണ് (itiadmissions.kerala.gov.in.). വിവരങ്ങൾക്ക് – 7907462973.