കോട്ടയം ജില്ലയിൽ ഇന്ന് (09-10-2024); അറിയാൻ, ഓർക്കാൻ

അറിയിപ്പ് 
എംബിഎ കോഴ്സ് മെന്റർ ഒഴിവ് 
കോട്ടയം ∙ എംജി സർവകലാശാലയിലെ സെന്റർ ഫോർ ഓൺലൈൻ എജ്യുക്കേഷനിൽ ഓൺലൈൻ എംബിഎ പ്രോഗ്രാമിന്റെ കോഴ്സ് മെന്റർ താൽക്കാലിക തസ്തികയിൽ കരാർ നിയമനത്തിന് അപേക്ഷ ക്ഷണിച്ചു. ഒബിസി, ഓപ്പൺ വിഭാഗങ്ങളിൽ ഒരോ ഒഴിവു വീതം. പ്രായപരിധി: 50. വിശദവിവരങ്ങൾ സർവകലാശാലാ വെബ്സൈറ്റിൽ.

ലാബ് ഇൻ–ചാർജ് നിയമനം
കോട്ടയം ∙എംജി സർവകലാശാലയിലെ ഡയറക്ടറേറ്റ് ഫോർ അപ്ലൈഡ് ഷോർട് ടേം പ്രോഗ്രാംസിൽ കംപ്യൂട്ടർ ലാബ് ഇൻ ചാർജ് തസ്തികയിൽ ഒരൊഴിവിൽ (ഇ/ബി/റ്റി) ഒരു വർഷത്തേക്കു കരാർ നിയമനത്തിന് അപേക്ഷ ക്ഷണിച്ചു. പ്രായപരിധി: 36. ഫോൺ: 8078786798.

തുരുത്തി ഗേറ്റ് അടച്ചിടും
കോട്ടയം ∙ ചിങ്ങവനം – ചങ്ങനാശേരി റെയിൽവേ സ്റ്റേഷനുകൾക്കിടയിലെ തുരുത്തി ഗേറ്റ് അറ്റകുറ്റപ്പണികൾക്കായി ഇന്നു രാവിലെ 8 മുതൽ 15നു വൈകിട്ട് 6 വരെ അടച്ചിടും. 

നേത്ര പരിശോധനാ ക്യാംപ് 12ന് 
തെള്ളകം ∙ എസ്എൻഡിപി യോഗം നമ്പർ 5360 തിരുകേരളപുരം, ചൈതന്യ കണ്ണാശുപത്രി എന്നിവ ചേർന്ന് 12നു രാവിലെ 9.30 മുതൽ ഒന്നുവരെ എസ്എൻഡിപി യോഗം തിരുകേരളപുരത്ത് സൗജന്യ നേത്ര പരിശോധനാ ക്യാംപ് നടത്തും. നഗരസഭാ കൗൺസിലർ ജോണി വർഗീസ് ഉദ്ഘാടനം ചെയ്യും. റജിസ്ട്രേഷന്: 94005 83690.

പൂർവവിദ്യാർഥി സംഗമം
കോട്ടയം ∙ സിഎംഎസ് കോളജിലെ 1970–73 ബാച്ച് ബിഎസ്‍സി മാത്‌സ് വിദ്യാർഥികളുടെ സംഗമം നടത്തുന്നു. ഫോൺ: 9497321971.

ഇന്ന് 
∙ പത്തനംതിട്ട,ഇടുക്കി ജില്ലകളിൽ ഓറഞ്ച് അലർട്ട്. തിരുവനന്തപുരം,കൊല്ലം,ആലപ്പുഴ, എറണാകുളം,മലപ്പുറം,കോഴിക്കോട്,വയനാട്,കണ്ണൂർ ജില്ലകളിൽ യെലോ അലർട്ട്. പരക്കെ മഴ ലഭിക്കും.
∙ തീരപ്രദേശത്തും കടലിലും മണിക്കൂറിൽ 35 കിലോമീറ്റർ മുതൽ 45 വരെ വേഗത്തിൽ കാറ്റു വീശാനും കള്ളക്കടൽ പ്രതിഭാസത്തിനും സാധ്യത.
∙ മീൻ പിടിത്തത്തിനു വിലക്ക്.

ഉപജില്ലാ കായികമേള 
കറുകച്ചാൽ ∙ ഉപജില്ലാ കായികമേള ഇന്നും നാളെയും കാഞ്ഞിരപ്പള്ളി സെന്റ് ഡൊമിനിക്സ് കോളജിൽ നടത്തും. സബ് ജൂനിയർ, ജൂനിയർ, സീനിയർ വിഭാഗം മത്സരങ്ങളാണു നടത്തുക. എഇഒ കെ.കെ.ഓമന ഉദ്ഘാടനം ചെയ്യും.

ഇന്നത്തെ പരിപാടി
∙ തമ്പലക്കാട് മഹാകാളി പാറ ദേവീക്ഷേത്രം : നവരാത്രി മണ്ഡപം, സംഗീതക്കച്ചേരി- 8. 00
∙ പൊൻകുന്നം സാന്തോം റിട്രീറ്റ് സെന്റർ: ആത്മാഭിഷേകധ്യാനവും നിയോഗപ്രാർഥനയും ബ്രദർ സണ്ണി കോട്ടയം – 9.30
∙ പൊൻകുന്നം പുതിയകാവ് ദേവീക്ഷേത്രം: ഭാഗവതസപ്താഹയജ്ഞം – 7.00
∙ ചെറുവള്ളി ദേവീക്ഷേത്രം: ദേവീഭാഗവത നവാഹയജ്ഞം – 7.00
∙ പനമറ്റം ഭഗവതിക്ഷേത്രം: ദേവീഭാഗവത നവാഹയജ്ഞം – 7.00

∙ എലിക്കുളം ഭഗവതിക്ഷേത്രം: നവരാത്രി സംഗീതോത്സവം എസ്.അനന്തനാരായണൻ, എസ്.അന്നപൂർണ എന്നിവരുടെ സംഗീതസദസ്സ് വൈകിട്ട് 6.30
∙ ഉരുളികുന്നം ഐശ്വര്യഗന്ധർവസ്വാമി ഭദ്രകാളിക്ഷേത്രം: നവരാത്രിയാഘോഷം ദേവീഭാഗവതപാരായണം – 7.30
∙ കുടമാളൂർ സെന്റ് മേരീസ് മേജർ ആർക്കി എപ്പിസ്കോപ്പൽ ദേവാലയം: വിശുദ്ധ അൽഫോൻസാമ്മയുടെ നാമകരണ തിരുനാൾ. കുർബാന, മധ്യസ്ഥപ്രാർഥന–7.00.
∙ അതിരമ്പുഴ കാരിസ് ഭവൻ ധ്യാനകേന്ദ്രം: അഭിഷേക നിറവ് ബൈബിൾ കൺവൻഷൻ. വചനപ്രഘോഷണം, കുർബാന, സൗഖ്യാരാധന–9.00.

വൈദ്യുതി മുടക്കം
തെങ്ങണ ∙ മാന്നില നമ്പർ 1, മാന്നില നമ്പർ 2, ഇരുമ്പുകുഴി, പയ്യംപള്ളി ട്രാൻസ്ഫോമറുകളുടെ പരിധിയിൽ ഇന്ന് 9.30 മുതൽ 5 വരെയും പങ്കിപ്പുറം നമ്പർ 1 ട്രാൻസ്ഫോമർ പരിധിയിൽ 2 മുതൽ 5.30 വരെയും വൈദ്യുതി മുടങ്ങും.
കുറിച്ചി ∙ ഇളങ്കാവ്, പുന്നമൂട് ട്രാൻസ്ഫോമറുകളുടെ പരിധിയിൽ ഇന്ന് 9 മുതൽ 5 വരെ വൈദ്യുതി മുടങ്ങും.
കുമരകം ∙ പുതുക്കാട് 50, പുത്തൻപള്ളി, കൊച്ചുപാലം, ഇടവട്ടം ട്രാൻസ്ഫോമറുകളുടെ പരിധിയിൽ ഇന്ന് 9 മുതൽ 5 വരെ വൈദ്യുതി മുടങ്ങും.
പുതുപ്പള്ളി ∙ അമല, പെരുങ്കാവ്, ആൻസ് ബോർമ ട്രാൻസ്ഫോമറുകളുടെ പരിധിയിൽ ഇന്ന് 9 മുതൽ 5 വരെ വൈദ്യുതി മുടങ്ങും.