പാലക്കാട് ജില്ലയിൽ ഇന്ന് (22-11-2024); അറിയാൻ, ഓർക്കാൻ

കാലാവസ്ഥ
∙ സംസ്ഥാനത്തു തെക്കൻ ജില്ലകളിൽ നേരിയ മഴയ്ക്കു സാധ്യത

റെയിൽവേ ഗേറ്റ് അടച്ചിടും
പാലക്കാട് ∙ പറളി - ലക്കിടി റെയിൽവേ സ്റ്റേഷനുകൾക്കിടയിലുള്ള ലക്കിടി റെയിൽവേ ഗേറ്റ് 23നു രാവിലെ എട്ടു മുതൽ 24നു രാത്രി 10 വരെ അടച്ചിടും. വാഹനങ്ങൾ ലക്കിടി - മായന്നൂർ - തിരുവില്വാമല വഴിയോ ലക്കിടി - മങ്കര - പെരിങ്ങോട്ടുകുറിശ്ശി - തിരുവില്വാമല വഴിയോ പോകണം.

ആക്ഷേപങ്ങൾ അറിയിക്കാം
വെള്ളിനേഴി  ∙ പഞ്ചായത്തിന്റെ കരട് വാർഡ് പുനർനിർണയ വിജ്ഞാപനം അംഗീകരിച്ചതു പ്രസിദ്ധീകരിച്ചു. ഇത് പഞ്ചായത്ത് ഓഫിസിലും വില്ലേജ്, അക്ഷയ, റേഷൻ കടകൾ എന്നിവിടങ്ങളിലും ലഭ്യമാണ്. ആക്ഷേപമുള്ളവർക്കു പരാതി പാലക്കാട് കലക്ടറേറ്റിലും ഡീലിമിറ്റേഷൻ കമ്മിഷനും നേരിട്ടോ റജിസ്റ്റേഡ് തപാൽ മുഖേനയോ ഡിസംബർ 3 വരെ നൽകാം.
നെല്ലായ ∙ പഞ്ചായത്തിന്റെ കരട് വാർഡ് പുനർനിർണയ വിജ്ഞാപനം അംഗീകരിച്ചതു പ്രസിദ്ധീകരിച്ചു. ഇതിന്റെ വിവരങ്ങൾ ഡീലിമിറ്റേഷൻ കമ്മിഷന്റെ വെബ്സൈറ്റിലോ പഞ്ചായത്ത് ഓഫിസിലോ അറിയാം. ആക്ഷേപമുള്ളവർക്കു പരാതി പാലക്കാട് കലക്ടറേറ്റിലും ഡീലിമിറ്റേഷൻ കമ്മിഷന് നേരിട്ടോ റജിസ്റ്റേഡ് തപാൽ മുഖേനയോ ഡിസംബർ 3 വരെ നൽകാം.

നേത്ര പരിശോധനാ ക്യാംപ് ഇന്ന്
കണ്ണാടി ∙ ഹയർ സെക്കൻഡറി സ്‌കൂൾ എൻഎസ്എസ് യൂണിറ്റ്, പാലക്കാട് ട്രിനിറ്റി സൂപ്പർ സ്പെഷ്യലിറ്റി കണ്ണാശുപത്രി എന്നിവ ചേർന്നു ഇന്നു രാവിലെ ഒൻപതു മുതൽ ഉച്ചയ്ക്ക് ഒന്നു വരെ സൗജന്യ നേത്ര പരിശോധന ക്യാംപ് നടക്കും.