പത്തനംതിട്ട ജില്ലയിൽ ഇന്ന് (30-11-2024); അറിയാൻ, ഓർക്കാൻ

വൈദ്യുതി മുടക്കം 
∙ ചെങ്ങറ, നാടുകാണി, മാർത്തോമ്മാ പള്ളി ഭാഗം, ആനക്കൂട്, സിവിൽ സ്റ്റേഷൻ ഭാഗം എന്നിവിടങ്ങളിൽ ഇന്ന് 9 മുതൽ 2 വരെ ഭാഗികമായി വൈദ്യുതി മുടങ്ങും. മല്ലപ്പള്ളി വൈദ്യുതി സെക്‌ഷനിലെ തേക്കട, പാലത്തിങ്കൽ എന്നീ ട്രാൻസ്ഫോർമറുകളുടെ പരിധിയിൽ ഇന്ന്  9 മുതൽ 5 വരെ വൈദ്യുതി മുടങ്ങും. ∙ കടപ്ര സെക്‌ഷന്റെ പരിധിയിലെ കൊട്ടാങ്ങൽ, തോട്ടുമട, കളപ്പുരപ്പടി, പഞ്ചായത്ത്‌ മുക്ക്, മയിൽമുക്ക്, പുത്തൂപ്പള്ളി, അംബേദ്കർ, വട്ടടി– 1, പുരയ്‌ക്കൽ, തേവേരി ബ്രിഡ്ജ്, പോളത്തുരുത്, നീലം കേരി, ഇരതോട് ബ്രിഡ്ജ്, ഇരതോട് ട്രാൻസ്ഫോമറുകളുടെ പരിധിയിൽ ഇന്ന് 8.30 മുതൽ 5.30വരെ വൈദ്യുതി മുടങ്ങും. ∙ അടൂർ വൈദ്യുതി സെക്‌ഷന്റെ പരിധിയിൽ മുണ്ടപ്പള്ളി, ആലത്തിനാൽ ഭാഗങ്ങളിൽ ഇന്ന് രാവിലെ 8 മുതൽ 6 വരെ. 

ഗതാഗത നിയന്ത്രണം
∙ടാറിങ് ജോലികൾ നടക്കുന്നതിനാൽ ഡിസംബർ 4വരെ വള്ളംകുളം– തോട്ടപ്പുഴ, നന്നൂർ– പുത്തൻ പറമ്പിൽ കടവ് റോഡുകളിൽ ഗതാഗതത്തിന് ഭാഗിക നിയന്ത്രണം ഏർപ്പെടുത്തിയതായി പിഡബ്ല്യുഡി അസി. എക്സിക്യൂട്ടീവ് എൻജിനീയർ അറിയിച്ചു.

സൗജന്യ മെഡിക്കൽ ക്യാംപ്
കോഴ‍ഞ്ചേരി∙ മാരാമൺ ശാഖ യുവജനസഖ്യവും കുമ്പനാട് മാർ ക്രിസോസ്റ്റം ഫെലോഷിപ് ആശുപത്രിയും ചേർന്ന് ഇന്ന് (30) 9 മുതൽ 1 വരെ മാരാമൺ മാർത്തോമ്മാ പള്ളി പാരിഷ് ഹാളിൽ സൗജന്യ മെഡിക്കൽ ക്യാംപ് നടത്തുന്നു. 7560845536.

പ്രീ പ്രൈമറി ഹെൽപർ
കോഴ‍ഞ്ചേരി∙ പുല്ലാട് ഗവ. ന്യൂ എൽപി സ്കൂളിലെ പ്രീ പ്രൈമറി ഹെൽപർ ഒഴിവിലേക്ക് 3ന് 11ന് അഭിമുഖം നടത്തും. 9495570046.

മാന്തുക – കോട്ട റോഡിൽ ഗതാഗത നിരോധനം
കോഴഞ്ചേരി∙ പുനരുദ്ധാരണ പ്രവൃത്തികൾ നടന്നു വരുന്ന മാന്തുക – കോട്ട റോഡിലെ പ്രവൃത്തികളുടെ സമയബന്ധിതമായ പൂർത്തീകരണത്തിനു വേണ്ടി റോഡിൽ  രണ്ട് മാസത്തേക്ക് ഗതാഗതം പൂർണമായും നിരോധിക്കുന്നു. ഈ കാലയളവിൽ മാന്തുക - കോട്ട റോഡിനു പകരമായി പന്തളം ആറന്മുള റോക്കയുടെ കോഴിപ്പാലം - കാരയ്ക്കാട് റോഡും  ഉപയോഗിക്കണം.