പ്രവാസി ആരാധകരെ നേരില്‍ കാണാൻ ടൊവിനോയും സുരഭി ലക്ഷ്മിയും മാഞ്ചസ്റ്ററിലേക്ക്
പ്രവാസി ആരാധകരെ നേരില്‍ കാണുന്നതിനും സിനിമാ അനുഭവങ്ങള്‍ പങ്കുവയ്ക്കുന്നതിനുമായി മലയാളത്തിന്റെ പ്രിയപ്പെട്ട താരങ്ങള്‍ ടൊവീനോ തോമസും നടി സുരഭി ലക്ഷ്മിയും മാഞ്ചാസ്റ്ററിലെത്തുന്നു
പ്രവാസി ആരാധകരെ നേരില്‍ കാണുന്നതിനും സിനിമാ അനുഭവങ്ങള്‍ പങ്കുവയ്ക്കുന്നതിനുമായി മലയാളത്തിന്റെ പ്രിയപ്പെട്ട താരങ്ങള്‍ ടൊവീനോ തോമസും നടി സുരഭി ലക്ഷ്മിയും മാഞ്ചാസ്റ്ററിലെത്തുന്നു
പ്രവാസി ആരാധകരെ നേരില്‍ കാണുന്നതിനും സിനിമാ അനുഭവങ്ങള്‍ പങ്കുവയ്ക്കുന്നതിനുമായി മലയാളത്തിന്റെ പ്രിയപ്പെട്ട താരങ്ങള്‍ ടൊവീനോ തോമസും നടി സുരഭി ലക്ഷ്മിയും മാഞ്ചാസ്റ്ററിലെത്തുന്നു
മാഞ്ചസ്റ്റര്‍ ∙ പ്രവാസി ആരാധകരെ നേരില്‍ കാണുന്നതിനും സിനിമാ അനുഭവങ്ങള്‍ പങ്കുവയ്ക്കുന്നതിനുമായി മലയാളത്തിന്റെ പ്രിയപ്പെട്ട താരങ്ങള്‍ ടൊവിനോ തോമസും സുരഭി ലക്ഷ്മിയും മാഞ്ചാസ്റ്ററിലെത്തുന്നു. പുതിയ ചിത്രം എആര്‍എമ്മിന്റെ (അജയന്റെ രണ്ടാം മോഷണം) റിലീസിനു മുന്നോടിയായി ഫോറം സെന്ററില്‍ സെപ്റ്റംബർ ഒന്നിനാണ് സിനിമാ അണിയറ പ്രവര്‍ത്തകര്‍ ഇംഗ്ലണ്ടിലെത്തുന്നത്. ഉച്ചയ്ക്കു ശേഷം രണ്ടുമണി മുതലായിരിക്കും സംഗമം.
സിനിമയുടെ ട്രെയിലര്‍ പ്രദര്‍ശനം, സിനിമയിലെ പാട്ടുകളുടെ അവതരണം, സൗഹൃദസംഭാഷണം തുടങ്ങി ആരാധകര്‍ക്കു മറക്കാനാവാത്ത അനുഭവങ്ങള്‍ സമ്മാനിക്കുന്നതായിരിക്കും ഇവിടെ സംഘടിപ്പിക്കുന്ന പ്രീലോഞ്ച് മഹോല്‍സവം. ഗംഭീര സ്റ്റേജ് ഷോയും ഡിജെ പാര്‍ട്ടിയും ഒരുക്കുന്നുണ്ട്. പ്രവേശനം സൗജന്യം. ആദ്യം എത്തുന്നവര്‍ക്കായിരിക്കും മുന്‍ഗണന.
സംവിധായകന്‍ ജിതിന്‍ ലാല്‍, ആര്‍ജെ മിഥുന്‍ എന്നിവരും സംഘത്തിലുണ്ട്. മാജിക് ഫ്രെയിംസ്, യുജിഎം പ്രൊഡക്ഷന്‍ ബാനറില്‍ ലിസ്റ്റിന്‍ സ്റ്റീഫനും ഡോക്ടര്‍ സഖറിയ തോമസും നിര്‍മിക്കുന്ന ചിത്രമാണ് എആര്‍എം. സുജിത് നമ്പ്യാരുടെ തിരക്കഥയില്‍ ജിതിന്‍ ലാലാണ് സംവിധാനം. യുകെയിലെ പ്രമുഖ വ്‌ളോഗര്‍ മവീഷ് വേലായുധനാണ് സംഘാടകന്‍.