തിരഞ്ഞെടുപ്പ് ചൂടിലേയ്ക്ക് ജർമനി; പ്രകടന പത്രികകളുമായി പാർട്ടികൾ പ്രചാരണ രംഗത്ത്
തിരഞ്ഞെടുപ്പ് പ്രചാരണ ചൂടിലേയ്ക്ക് ജർമനി. പ്രകടന പത്രിക പുറത്തിറക്കി പ്രമുഖ പാർട്ടികളും. ബുണ്ടെസ്ററാഗില്‍ എസ്പിഡിയുടെ ചാന്‍സലര്‍ ഒലാഫ് ഷോള്‍സ് വിശ്വാസവോട്ടെടുപ്പില്‍ പരാജയപ്പെട്ട പശ്ചാത്തലത്തിലാണ് രാജ്യം തിരഞ്ഞെടുപ്പ് ചൂടിലേയ്ക്ക് നീങ്ങുന്നത്.
തിരഞ്ഞെടുപ്പ് പ്രചാരണ ചൂടിലേയ്ക്ക് ജർമനി. പ്രകടന പത്രിക പുറത്തിറക്കി പ്രമുഖ പാർട്ടികളും. ബുണ്ടെസ്ററാഗില്‍ എസ്പിഡിയുടെ ചാന്‍സലര്‍ ഒലാഫ് ഷോള്‍സ് വിശ്വാസവോട്ടെടുപ്പില്‍ പരാജയപ്പെട്ട പശ്ചാത്തലത്തിലാണ് രാജ്യം തിരഞ്ഞെടുപ്പ് ചൂടിലേയ്ക്ക് നീങ്ങുന്നത്.
തിരഞ്ഞെടുപ്പ് പ്രചാരണ ചൂടിലേയ്ക്ക് ജർമനി. പ്രകടന പത്രിക പുറത്തിറക്കി പ്രമുഖ പാർട്ടികളും. ബുണ്ടെസ്ററാഗില്‍ എസ്പിഡിയുടെ ചാന്‍സലര്‍ ഒലാഫ് ഷോള്‍സ് വിശ്വാസവോട്ടെടുപ്പില്‍ പരാജയപ്പെട്ട പശ്ചാത്തലത്തിലാണ് രാജ്യം തിരഞ്ഞെടുപ്പ് ചൂടിലേയ്ക്ക് നീങ്ങുന്നത്.
ബര്‍ലിന്‍ ∙ തിരഞ്ഞെടുപ്പ് പ്രചാരണ ചൂടിലേയ്ക്ക് ജർമനി. പ്രകടന പത്രിക പുറത്തിറക്കി പ്രമുഖ പാർട്ടികളും. ബുണ്ടെസ്ററാഗില്‍ എസ്പിഡിയുടെ ചാന്‍സലര്‍ ഒലാഫ് ഷോള്‍സ് വിശ്വാസവോട്ടെടുപ്പില്‍ പരാജയപ്പെട്ട പശ്ചാത്തലത്തിലാണ് രാജ്യം തിരഞ്ഞെടുപ്പ് ചൂടിലേയ്ക്ക് നീങ്ങുന്നത്.
2025 ഫെബ്രുരി 23നാണ് തിരഞ്ഞെടുപ്പ്. തങ്ങളുടെ പ്രധാന മുന്‍ഗണനകളും ലക്ഷ്യങ്ങളും, ഭരണസഖ്യത്തിലെത്തിയാല്‍ വരും കാലയളവില്‍ പാസാക്കാന്‍ ആഗ്രഹിക്കുന്ന നയ നിര്‍ദ്ദേശങ്ങളുമാണ് പത്രികകളിൽ വിവരിക്കുന്നത്.
∙ എസ്പിഡി
ജര്‍മനിയിലെ സോഷ്യല്‍ ഡെമോക്രാറ്റുകളായ എസ്പിഡി പാര്‍ട്ടിയുടെ തിരഞ്ഞെടുപ്പ് പ്രകടനപത്രിക ഫെഡറല്‍ ചാന്‍സലര്‍ ഒലാഫ് ഷോള്‍സ് എസ്പിഡി ചെയര്‍മാന്‍ സാസ്കിയ എസ്കെന്‍, ലാര്‍സ് ക്ളിംഗ്ബെയില്‍, ജനറല്‍ സെക്രട്ടറി മത്തിയാസ് മിയര്‍ഷ് എന്നിവരാണ് പറത്തിറക്കിയത്. മെച്ചപ്പെട്ട വേതനം, സ്ഥിരതയുള്ള പെന്‍ഷനുകള്‍, സൗജന്യ സ്കൂള്‍ ഉച്ചഭക്ഷണം തുടങ്ങിയ ആനുകൂല്യങ്ങൾ നടപ്പാക്കുന്നതും വാഗ്ദാനം ചെയ്തിട്ടുണ്ട്. 95 ശതമാനം വരുമാനക്കാര്‍ക്കും നികുതി കുറയ്ക്കുമെന്നും അതിസമ്പന്നര്‍ക്കായി നികുതി ഉയര്‍ത്തുകയും മിനിമം വേതനം 12 ല്‍ നിന്ന് 15 യൂറോയായി വർധിപ്പിക്കുമെന്നും മൂല്യവര്‍ധിത നികുതി (വാറ്റ്) രണ്ട് ശതമാനം കുറച്ചു ഭക്ഷ്യവില കുറയ്ക്കുമെന്നും പത്രികയിലുണ്ട്. പെന്‍ഷന്‍ നില നിലനിര്‍ത്തല്‍, വാടക ഇടവേള നീട്ടല്‍, രക്ഷിതാക്കള്‍ക്കുള്ള മറ്റ് ആശ്വാസ നടപടികള്‍ എന്നിവയും ഉൾപ്പെടുന്നു.
∙ സിഡിയു/സിഎസ്യു
കണ്‍സര്‍വേറ്റീവ് ക്രിസ്ത്യന്‍ ഡെമോക്രാറ്റുകള്‍ സിഡിയു/സിഎസ്യു കുടിയേറ്റത്തിലും സാമ്പത്തിക നയത്തിലും വലത്തോട്ട് ഉറച്ചുനില്‍ക്കുമെന്ന സൂചനയാണ് നൽകിയത്. ഫെബ്രുവരി 23 ന് നടക്കുന്ന തെരഞ്ഞെടുപ്പിന് മുന്നോടിയായുള്ള വോട്ടെടുപ്പില്‍ മുന്നിട്ടുനില്‍ക്കുന്ന ജര്‍മ്മനിയുടെ യാഥാസ്ഥിതിക പ്രതിപക്ഷം, കുടിയേറ്റം, സാമൂഹിക, സാമ്പത്തിക നയങ്ങള്‍ എന്നിവയില്‍ രാജ്യത്തെ ദൃഢമായി വലതുവശത്തേക്ക് മാറ്റാനുള്ള പദ്ധതികളാണ് വിശദീകരിച്ചത്.
സിഡിയുവും അതിന്റെ ബവേറിയന്‍ സഖ്യകക്ഷികളായ സിഎസ്യുവും അനധികൃത കുടിയേറ്റം നിര്‍ത്തലാക്കുമെന്നും നിരസിക്കപ്പെട്ട അഭയാര്‍ത്ഥികള്‍ക്കുള്ള ആനുകൂല്യങ്ങള്‍ കുറയ്ക്കുമെന്നുമാണ് വാഗ്ദാനം. യൂറോപ്പിലെ ഏറ്റവും വലിയ സമ്പദ് വ്യവസ്ഥയെ പുനരുജ്ജീവിപ്പിക്കുന്നതിനൊപ്പം കുടിയേറ്റ നയത്തില്‍ അടിസ്ഥാനപരമായ മാറ്റവും വാഗ്ദാനം ചെയ്തിട്ടുണ്ട്. കഞ്ചാവ് നിയമ വിധേയമാക്കുന്നത് പിന്‍വലിക്കുമെന്നും സഖ്യം പറയുന്നു. ബുര്‍ഗര്‍ഗെല്‍ഡിന് പൗരത്വ അധികാരം നേടിയാല്‍ ജര്‍മ്മന്‍ സിഡിയു റദ്ദാക്കുമെന്നാണ് വാഗ്ദാനം.
∙ ഗ്രീന്‍സ്
കാലാവസ്ഥാ സംരക്ഷണം മാത്രമല്ല ഗവണ്‍മെന്റിന്റെ കഴിഞ്ഞ മൂന്ന് വര്‍ഷങ്ങളില്‍, അവരുടെ കാലാവസ്ഥാ സംരക്ഷണ പദ്ധതികളെച്ചൊല്ലി ഗ്രീന്‍സ് വിമര്‍ശനങ്ങള്‍ നേരിടുന്ന സാഹചര്യത്തില്‍ 2021 ലെ തിരഞ്ഞെടുപ്പ് പ്രചാരണവുമായി താരതമ്യപ്പെടുത്തുമ്പോള്‍ ഹരിതഗൃഹ വാതകങ്ങള്‍ കുറയ്ക്കുന്നതിനുള്ള ആവശ്യങ്ങള്‍ പാര്‍ട്ടി ഇപ്പോള്‍ പിന്‍വലിച്ചിരിക്കുകയാണ്.
ഡെറ്റ് ബ്രേക്ക് പരിഷ്കരിക്കാനും ഇലക്ട്രിക് കാറുകള്‍ക്ക് സബ്സിഡികള്‍ ഏര്‍പ്പെടുത്താനും പെന്‍ഷനുകള്‍ സുരക്ഷിതമാക്കാന്‍ പുതിയ "പൗരന്മാരുടെ ഫണ്ട്"നിര്‍ദ്ദേശിക്കാനും ഗ്രീന്‍സ് ലക്ഷ്യമിടുന്നു.
∙ എഫ്ഡിപി
ഗ്രീന്‍സിനെപ്പോലെ ഫ്രീ ഡെമോക്രാറ്റിക് പാര്‍ട്ടിയും (എഫ്ഡിപി) പെന്‍ഷന്‍ പരിഷ്കരിക്കണമെന്ന് ആവശ്യപ്പെടുന്നു. പാര്‍ട്ടി നേതാവ് ക്രിസ്ററ്യന്‍ ലിന്‍ഡ്നര്‍ ഷെയര്‍ അധിഷ്ഠിത പെന്‍ഷന്‍ അവതരിപ്പിക്കുന്നതിനായി പ്രചാരണം നടത്തുകയാണ്. അടിസ്ഥാനപരമായി വ്യത്യസ്ത സാമ്പത്തിക നയം വേണമെന്ന എഫ്ഡിപിയുടെ ആവശ്യങ്ങളാണ് നവംബറില്‍ എസ്പിഡിയും ഗ്രീന്‍സും ചേര്‍ന്നുള്ള സഖ്യ സര്‍ക്കാര്‍ പിരിയാനുള്ള പ്രധാന കാരണം. അത്തരം ആവശ്യങ്ങളില്‍ പലതും ഇപ്പോള്‍ പാര്‍ട്ടിയുടെ തിരഞ്ഞെടുപ്പ് പരിപാടിയില്‍ പ്രത്യക്ഷപ്പെട്ടിട്ടുണ്ട്.
∙ ഇടത് പാര്‍ട്ടികള്‍ (ദി ലിങ്കെ)
സാമൂഹിക നീതിയില്‍ ശ്രദ്ധ കേന്ദ്രീകരിക്കും വിധം 3 ദശലക്ഷം യൂറോ അതിലധികമോ പാരമ്പര്യമുള്ളവര്‍ക്ക് 60% അനന്തരാവകാശ നികുതി ഉള്‍പ്പെടെ, സമ്പന്നര്‍ക്ക് ഉയര്‍ന്ന നികുതി ഏര്‍പ്പെടുത്തുകയാണ് സോഷ്യലിസ്ററ് ഇടതുപക്ഷ പാര്‍ട്ടിയുടെ ലക്ഷ്യം.
സ്വീകര്‍ത്താവിന്റെ അറ്റവരുമാനത്തിന്റെ മിനിമം വേതനം 15 യൂറോയായും പെന്‍ഷന്‍ 53% ആയും (നിലവില്‍ 48% ല്‍ നിന്ന്) ഉയര്‍ത്തും. ഗ്രാമപ്രദേശങ്ങളിലേക്ക് കുറഞ്ഞത് ഒരു മണിക്കൂര്‍ ബസ്, ട്രെയിന്‍ സര്‍വീസ് ഉണ്ടെന്ന് ഉറപ്പാക്കാന്‍ പൊതുഗതാഗതം വര്‍ദ്ധിപ്പിക്കാനും ട്രെയിനില്‍ 500 കിലോമീറ്ററില്‍ താഴെയുള്ള അല്ലെങ്കില്‍ അഞ്ച് മണിക്കൂറില്‍ താഴെയുള്ള വിമാനങ്ങള്‍ നിരോധിക്കുമെന്നും പത്രികയിൽ പറയുന്നു.
∙ കുടിയേറ്റവിരുദ്ധര്‍ എഎഫ്ഡി
റഷ്യയോട് മൃദു സമീപനവും കുടിയേറ്റക്കാരോട് കടുപ്പവും കലർന്ന കരട് തിരഞ്ഞെടുപ്പ് മാനിഫെസ്റേറാ അനുസരിച്ച്, ജര്‍മ്മനി യൂറോപ്യന്‍ യൂണിയനില്‍ നിന്ന് പുറത്തുപോകാനും യൂറോ നിര്‍ത്തലാക്കാനും തീവ്ര വലതുപക്ഷ ബദല്‍ ജര്‍മ്മനി ആഗ്രഹിക്കുന്നു. ഇത് മനുഷ്യനിര്‍മിത കാലാവസ്ഥാ വ്യതിയാനത്തിന്റെ അസ്തിത്വം നിഷേധിക്കുകയും പുതിയ കല്‍ക്കരി പ്രവര്‍ത്തിക്കുന്ന വൈദ്യുത നിലയങ്ങളും ആണവ നിലയങ്ങളും സ്ഥാപിക്കാനും റഷ്യന്‍ പ്രകൃതിവാതകത്തിന്റെ ഇറക്കുമതി പുനരാരംഭിക്കാനും വാദിക്കുന്നു.
∙ യുക്രെയ്ന്‍ യുദ്ധം
സിഡിയു/സിഎസ്യുവും അതിര്‍ത്തികളിലെ അഭയാര്‍ഥികളെ തിരിച്ചയക്കുന്നതിനെ അനുകൂലിക്കുന്നുണ്ട്. സിറിയന്‍ ഭരണാധികാരി ബഷാര്‍ അസദിന്റെ പതനത്തെ തുടര്‍ന്ന്, സിറിയയില്‍ നിന്ന് കൂടുതല്‍ ആളുകളെ ജര്‍മ്മനിയിലേക്ക് വരാന്‍ സിഡിയു ചാന്‍സലര്‍ സ്ഥാനാര്‍ത്ഥി മെര്‍സ് ആഗ്രഹിക്കുന്നില്ല.
യുക്രെയ്നിലെ യുദ്ധത്തെക്കുറിച്ചുള്ള വോട്ടര്‍മാരുടെ ആശങ്കകള്‍ പരിഹരിക്കാന്‍ ചാന്‍സലര്‍ ഒലാഫ് ഷോള്‍സ് ആഗ്രഹിക്കുന്നുണ്ട്. യുക്രെയ്നെ തുടര്‍ന്നും പിന്തുണയ്ക്കുമെന്നാണ് പാര്‍ട്ടി പറയുന്നത്. എന്നാല്‍ റഷ്യയിലെ ലക്ഷ്യങ്ങളില്‍ എത്താന്‍ കഴിയുന്ന ദീര്‍ഘദൂര മിസൈലുകള്‍ നല്‍കാന്‍ ആഗ്രഹിക്കുന്നില്ല.
പുതുവര്‍ഷത്തില്‍ പ്രത്യേക പാര്‍ട്ടി സമ്മേളനങ്ങളില്‍ എല്ലാ പാര്‍ട്ടികളും അവരുടെ കരട് പ്രകടന പത്രികയില്‍ വോട്ടെടുപ്പ് നടത്തും. ഫെബ്രുവരി 23 ന് നടക്കുന്ന തിരഞ്ഞെടുപ്പ് വരെ ഹ്രസ്വവും ചൂടേറിയതുമായ പ്രചാരണം നടക്കും. എന്തായാലും എല്ലതലത്തിലും കൂപ്പുകുത്തി നില്‍ക്കുന്ന ജര്‍മനിയെ വോട്ടുനേടി അധികാരത്തിലെത്തി കൈപിടിച്ചുയര്‍ത്താനാണ് എല്ലാ പാര്‍ട്ടികളും ശ്രമിക്കുന്നത്. ഇതില്‍ ആരൊക്കെ വീഴും ആരൊക്കെ വാഴും എന്നു തെരഞ്ഞെടുപ്പ് ഫലംവരെ കാത്തിരിക്കണം.