56 വർഷം പഴക്കമുള്ള അബുദാബി മക്ത പാലം നവീന സാങ്കേതിക വിദ്യകളോടെ പുതുക്കിപ്പണിതു

അബുദാബി∙ 56 വർഷം പഴക്കമുള്ള അബുദാബി മക്ത പാലം നവീന സാങ്കേതിക വിദ്യകളോടെ പുതുക്കിപ്പണിതു. ഗതാഗതത്തിനു തടസ്സമില്ലാത്തവിധം 2022 ഏപ്രിലിൽ ആരംഭിച്ച നിർമാണ പ്രവർത്തനങ്ങൾ കഴിഞ്ഞ ദിവസം പൂർത്തിയായതായി സിറ്റി മുനിസിപ്പാലിറ്റി അറിയിച്ചു.

Also read: പുകവലിച്ചിട്ട് വലിച്ചെറിഞ്ഞാൽ അബുദാബിയില്‍ വലിയ വില കൊടുക്കേണ്ടിവരും

പാലത്തിന്റെ സ്ലാബിലെ ടാറിങ്, ഇരുവശത്തുകൂടിയുമുള്ള നടപ്പാതകൾ, കമാനത്തിന്റെ അറ്റകുറ്റപണി, പെയിന്റിങ്ങ് കോൺക്രീറ്റിങ് എന്നിവയാണ് നടത്തിയത്. ഇരുവശങ്ങളിലെയും 4 വരി പാതകൾക്കു പുറമെ 2 കാൽനട പാതകളുമുണ്ട്.

8 ഇരുമ്പു ബീമുകളും 8 കോൺക്രീറ്റ് സ്ലാബുകളിലുമായാണ് പാലം നിൽക്കുന്നത്. എമിറേറ്റിന്റെ ചരിത്രത്തോടു ചേർന്നുകിടക്കുന്ന അൽ മഖ്ത പാലം 1967ലാണ് നിർമിച്ചത്.

English Summary: Abu Dhabi  Authorities announce completion of long maintenance work on Al Maqta Bridge.