ഒരുമയ്ക്കായ് ഒരോണം ബ്രോഷർ പ്രകാശനം ചെയ്തു

ദുബായ് ∙ വേൾഡ് മലയാളി ഫെഡറേഷൻ (ഡബ്ല്യുഎംഎഫ്)  യുഎഇയിൽ സംഘടിപ്പിക്കുന്ന ഒരുമയ്ക്കായ് ഒരോണം എന്ന കലാപരിപാടിയുടെ ബ്രോഷർ നടനും റേഡിയോ അവതാരകനുമായ മിഥുൻ രമേശ് പ്രകാശനം ചെയ്തു.

ഒക്ടോബർ 26ന് ഷാർജ മുവൈലയിലെ സഫാരി മാളിൽ നടക്കുന്ന പരിപാടിയിൽ 166 രാജ്യങ്ങളിൽ പടർന്ന് കിടക്കുന്ന വേൾഡ് മലയാളി ഫെഡറേഷന്റെ യുഎഇ കൗൺസിൽ ലോഞ്ചിങ്ങും നടക്കും. ഡബ്ല്യുഎംഎഫിന്റെ ഗ്ലോബൽ നേതാക്കളും കലാസാംസ്കാരിക രാഷ്ടീയ രംഗത്തെ പ്രമുഖരും പങ്കെടുക്കുമെന്ന് സംഘാടകർ അറിയിച്ചു. ഏലിയാസ് ഐസക്, സിയാദ് കൊടുങ്ങല്ലൂർ, മുഹമ്മദ് അക്ബർ വീരാൻകുട്ടി, കാസിം പുത്തൻപുരയ്ക്കൽ, ഷൈൻ റഷീദ്, മൻസൂർ പരീദ്‌ എന്നിവർ സംബന്ധിച്ചു.