അബുദാബിയിൽ ഭവന വ്യവസ്ഥകൾ ലംഘിച്ചവർക്ക് തിരുത്താൻ അവസരം

അബുദാബി ∙ തലസ്ഥാന എമിറേറ്റിൽ ഉപയോഗശൂന്യമായ കെട്ടിടങ്ങളുടെ പുതിയ സർവേ തുടങ്ങി. കണക്കെടുപ്പ് ഒരു മാസത്തിനകം പൂർത്തിയാക്കുമെന്നു ഡിപ്പാർട്മെന്റ് ഓഫ് മുനിസിപ്പാലിറ്റീസ് ആൻഡ് ട്രാൻസ്പോർട്ട് അറിയിച്ചു. 

സർക്കാരിന്റെ പ്രഖ്യാപിത ലക്ഷ്യങ്ങൾക്ക് വിരുദ്ധമായി കെട്ടിടങ്ങൾ ഉപയോഗിക്കുന്നുണ്ടോ എന്നതും പരിശോധിക്കും. രേഖകളും പ്രവർത്തന വിശദാംശങ്ങളും കൃത്യമാക്കുന്നതോടൊപ്പം അറ്റകുറ്റപ്പണികൾ സമയബന്ധിതമായി തീർക്കുകയും വേണം. മുനിസിപ്പാലിറ്റിയുടെ ഭവന വ്യവസ്ഥകൾ ലംഘിച്ചവർക്ക് അതു തിരുത്താനും രേഖകൾ നിയമാനുസൃതമാക്കാനും അവസരമുണ്ട്.