റിയാദ് സീസൺ 2024: 3 സോണുകൾ സമാരംഭിക്കുന്നു

റിയാദ് ∙ റിയാദ് സീസൺ 2024 പുതിയ ഇവന്റുകളും അസാധാരണമായ അനുഭവങ്ങളുമായി 3 സോണുകൾ സമാരംഭിക്കുന്നു. ബൊളിവാർഡ് വേൾഡ്, ബൊളിവാർഡ് സിറ്റി, അൽ സുവൈദി പാർക്ക് എന്നീ സോണുകളാണ് സമർപ്പിച്ചിരിക്കുന്നത്.

ബൊളിവാർഡ് വേൾഡ് എല്ലാ ദിവസവും വൈകിട്ട് 4 മണി മുതൽ പൊതുജനങ്ങൾക്കായി തുറക്കും.  പുലർച്ചെ 1 മണി വരെ ഈ സീസണിൽ സോൺ പ്രവർത്തിക്കും. ലോകമെമ്പാടുമുള്ള വിവിധ സംസ്കാരങ്ങളെ പ്രതിനിധീകരിക്കുന്ന 22 സോണുകളുള്ള ഇവിടെ 300 റസ്റ്ററൻ്റുകളും കഫേകളും 890-ലധികം ഷോപ്പുകളും ഉണ്ട്.

ബൊളിവാർഡ് വേൾഡിലെ ഈജിപ്ത്, സ്‌പെയിൻ, ഇറ്റലി എന്നിവയെ പ്രതിനിധീകരിക്കുന്ന സോണുകൾ വിവിധ പ്രായക്കാർക്കായി 21 പുതിയ പ്രവർത്തനങ്ങളുമായി നവീകരിച്ചു. നിരവധി രാജ്യങ്ങളിൽ നിന്നുള്ള നാടക പ്രകടനങ്ങളും പ്രദർശനങ്ങളും ഉൾപ്പെടെ ഒരു സവിശേഷ വിനോദ കേന്ദ്രമെന്ന നിലയിൽ അതിൻ്റെ ആകർഷണം വർധിപ്പിക്കുന്നതാണിത്.

ഈ വർഷം റിയാദ് സീസണിലെ ബൊളിവാർഡ് സിറ്റി, പുതിയതും അതുല്യവുമായ വിനോദ അനുഭവങ്ങൾ അവതരിപ്പിക്കുന്നുണ്ട്. ഫാമിലി സാഹസികതയുടെയും ഫാന്റസിയുടെയും ആരാധകർക്ക് ബ്ലൂയ്, ബിംഗോ വേൾഡ് എന്നിവയ്‌ക്കൊപ്പം ഭാവനാസമ്പന്നമായ യാത്രകൾ ആരംഭിക്കാം. ഇതിലൂടെ രസകരമായ ഒരു ലോകത്ത് അവിസ്മരണീയമായ നിമിഷങ്ങൾ അനുഭവിച്ചറിയാനാകും.

ഈ പുതിയ അനുഭവങ്ങൾ ഈ വർഷത്തെ റിയാദ് സീസൺ ഇവന്റുകൾക്കുള്ളിൽ ബൊളിവാർഡ് സിറ്റിയെ ഒഴിവാക്കാനാവാത്ത സ്ഥലമാക്കി മാറ്റുന്നു. ഇത് സന്ദർശകരെ ആവേശവും ഫാന്റസിയും ഭയാനകതയും സമന്വയിപ്പിക്കുന്ന അസാധാരണമായ സാഹസികതകളിൽ മുഴുകാൻ അനുവദിക്കുകയും ചെയ്യും. റിയാദ് സീസൺ 2024 ലെ ഏറ്റവും ആകർഷകമായ ലക്ഷ്യസ്ഥാനങ്ങളിലൊന്നായ അൽ-സുവൈദി പാർക്ക്, 140,000 ചതുരശ്ര മീറ്റർ വിസ്തൃതിയിൽ 4 മണി മുതൽ ഇവന്റുകൾ തുടങ്ങി  അർദ്ധരാത്രിവരെ നീണ്ടു നിൽക്കും.

പ്രശസ്ത ഇന്ത്യൻ കലാകാരന്മാരുടെ പ്രകടനങ്ങൾ, ആകർഷണീയമായ ഷോകൾ, പരമ്പരാഗത ഇന്ത്യൻ പാചകരീതികൾ, ഇന്ത്യയുടെ സമ്പന്നമായ സാംസ്കാരിക വൈവിധ്യം പ്രതിഫലിപ്പിക്കുന്ന വസ്ത്രങ്ങൾ വാങ്ങാനുള്ള അവസരങ്ങൾ എന്നിവയും ഇവിടെ ഉണ്ടാകും.