മലയാളി സമാജം അവാർഡ് വിതരണം

അബുദാബി ∙ മലയാളി സമാജത്തിന്റെ ഈ വർഷത്തെ മെറിറ്റ് അവാർഡ് കെപിസിസി വൈസ് പ്രസിഡന്റും മുൻ എംഎൽഎയുമായ വി.ടി. ബൽറാം വിതരണം ചെയ്തു.

പ്രസിഡന്റ് സലിം ചിറക്കൽ, ജനറൽ സെക്രട്ടറി ടി.വി. സുരേഷ്കുമാർ, കോ ഓർഡിനേഷൻ കമ്മിറ്റി ആക്ടിങ് ചെയർമാൻ എ.എം. അൻസാർ, ജനറൽ കൺവീനർ സുരേഷ് പയ്യന്നൂർ, വൈസ് പ്രസിഡന്റ് ടി.എം. നിസാർ, ട്രഷറർ യാസിർ അറാഫത്ത്, ഷാജഹാൻ ഹൈദർഅലി, ചിലു സൂസൺ മാത്യു എന്നിവർ പ്രസംഗിച്ചു. 10, 12 ക്ലാസുകളിൽ നിന്ന് വിജയിച്ച 44 വിദ്യാർഥികൾ അവാർഡ് ഏറ്റുവാങ്ങി. മലയാളം മിഷന്റെ കണിക്കൊന്ന സൂര്യകാന്തി പരീക്ഷകളിൽ വിജയിച്ച കുട്ടികൾക്കുള്ള സർട്ടിഫിക്കറ്റും ചടങ്ങിൽ വിതരണം ചെയ്തു.