കുവൈത്തിൽ ഗാർഹിക തൊഴിലാളിയെ കൊലപ്പെടുത്തിയ കേസിൽ സ്വദേശി പൗരൻ അറസ്റ്റിൽ

കുവൈത്ത്‌ സിറ്റി ∙ ഏഷ്യൻ വംശജനായ ഗാർഹിക തൊഴിലാളിയെ സ്വദേശി പൗരൻ കൊലപ്പെടുത്തി.  ജഹറ ഗവര്‍ണറേറ്റിലാണ് സംഭവം.പ്രതിക്ക് വേണ്ടി ജോലി ചെയ്തിരുന്ന  തൊഴിലാളിയാണ് കൊല്ലപ്പെട്ടത്. കൃത്യം നടത്തിയ ശേഷം മൃതദേഹം തോട്ടത്തിൽ കുഴിച്ചു മൂടിയതായി പ്രതി പൊലീസിനോട് വെളിപ്പെടുത്തി. ഇയാൾ സ്വയം പൊലീസിൽ കീഴടങ്ങിയെന്നാണ് റിപ്പോർട്ടുകൾ.

സംഭവത്തിൽ പൊലീസ് അന്വേഷണം ആരംഭിച്ചു. കുറ്റാന്വേഷണ വിഭാഗം കുറ്റകൃത്യം നടന്നതായി പ്രതി വെളിപ്പെടുത്തിയ സ്ഥലം വിശദമായി പരിശോധിച്ച് വരുകയാണ്.