മേജർ ജനറൽ അഹ്മദ് സെയ്ഫ് അബുദാബി പൊലീസ് മേധാവി

അബുദാബി ∙ മേജർ ജനറൽ അഹ്മദ് സെയ്ഫ് ബിൻ സൈതൂൻ അൽ മുഹൈരിയെ അബുദാബി പൊലീസ് മേധാവിയായി നിയമിച്ചു. പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാനാണ് ഉത്തരവിറക്കിയത്.

ഡയറക്ടർ ജനറലായി മേജർ ജനറൽ ഷെയ്ഖ് മുഹമ്മദ് ബിൻ തഹ്നൂൻ അൽ നഹ്യാനെയും നിയമിച്ചു. അബുദാബി എക്സിക്യൂട്ടിവ് കൗൺസിൽ അംഗം ഡോ. അബ്ദുല്ല ഹുമൈദ് അൽ ജർവാനെ അബുദാബി എനർജി വകുപ്പ് ചെയർമാനായും നിയമിച്ചു.