നരേന്ദ്ര മോദിയുമായി കൂടിക്കാഴ്ച നടത്തുമെന്ന് ഡോണൾഡ് ട്രംപ്

മിഷിഗൻ ∙ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തുമെന്നറിയിച്ച് യുഎസ് പ്രസിഡന്റ് സ്ഥാനാർഥി ഡോണൾഡ് ട്രംപ്. സെപ്റ്റംബർ 17 ന് മിഷിഗനിലെ ഫ്ലിന്റിൽ നടന്ന പ്രചാരണ പരിപാടിയിലാണ് ട്രംപ് ഇക്കാര്യം അറിയിച്ചത്.

അതേസമയം കൂടിക്കാഴ്ചയെ കുറിച്ചുള്ള കൂടുതൽ വിവരങ്ങൾ പുറത്തുവിട്ടിട്ടില്ല. ഇന്ത്യ- അമേരിക്ക വ്യാപാര ബന്ധത്തെ കുറിച്ചും  ട്രംപ് സംസാരിച്ചു. സെപ്റ്റംബർ 21 മുതൽ നരേന്ദ്ര മോദി യുഎസ് സന്ദർശിക്കുമെന്ന് കഴിഞ്ഞദിവസം വിദേശകാര്യ മന്ത്രാലയം അറിയിച്ചിരുന്നു. ഡെലവെയറിൽ ഓസ്‌ട്രേലിയ, ജപ്പാൻ എന്നിവിടങ്ങളിലെ നേതാക്കളുമായി യുഎസ് പ്രസിഡന്റ് ജോ ബൈഡൻ നടത്തുന്ന ഉച്ചകോടിയിലും മോദി പങ്കെടുക്കും.