ജോലിക്കിടെ അപകടം; ഷ്രെവ്പോർട്ടിൽ പൊലീസ് ഉദ്യോഗസ്ഥന് ദാരുണാന്ത്യം

ഷ്രെവ്പോർട്ട് ∙ യുഎസിൽ ഡ്യൂട്ടിക്കിടെയുണ്ടായ വാഹനാപകടത്തിൽ പൊലീസ് ഉദ്യോഗസ്ഥന് ദാരുണാന്ത്യം.  ഷ്രെവ്പോർട്ട് പൊലീസ് ഓഫിസർ മാത്യു റോഡനാണ് (37) മരിച്ചത്.  

അപകടത്തിൽ മാത്യുവിനൊപ്പം സഞ്ചരിച്ച മറ്റൊരു ഉദ്യോഗസ്ഥനും പരുക്കേറ്റു. തുടർന്ന് ഇദ്ദേഹത്തെ ഒച്ച്‌സ്‌നർ എൽഎസ്‌യു ആശുപത്രിയിൽ പ്രവേശിപ്പിച്ചു. വെസ്റ്റ് 70 സ്ട്രീറ്റിനും പൈൻസ് റോഡിനുമിടയിൽ വെള്ളിയാഴ്ച ഉച്ചയ്ക്ക് രണ്ട് മണിയോടെയാണ് അപകടമുണ്ടായത്. ഇവർ സഞ്ചരിച്ച കാർ ഒരു വാനിലിടിക്കുകയായിരുന്നു.