സെന്റ് തോമസ് ഓർത്തഡോക്‌സ് പള്ളിയിലെ വിളവെടുപ്പുത്സവം വൻ വിജയം

വാഷിംഗ്‌ടൺ ഡിസി ∙ ഫിലാഡൽഫിയ സെന്റ് തോമസ് ഓർത്തഡോക്സ് ദേവാലയത്തിൽ സെപ്റ്റംബർ 29ന് സംഘടിപ്പിച്ച വാർഷിക ഹാർവെസ്റ്റ് ഫെസ്റ്റിവൽ വൻ വിജയം.

ഈ വർഷം വലിയ രീതിയിൽ ആഘോഷിച്ച വിളവെടുപ്പുത്സവം സമൂഹത്തിന്റെ ശക്തമായ ഐക്യവും ആത്മാർഥമായ പങ്കാളിത്തവും ഉദാത്തമായി പ്രകടമാക്കി. മാഷർ സ്ട്രീറ്റിൽ നടന്ന ആഘോഷം റവ.ഫാ.ഡോ. ജോൺസൺ സി. ജോൺ, ട്രസ്റ്റി മണി തോമസ്, സെക്രട്ടറി ജെസ്സി രാജൻ എന്നിവരുടെ നേതൃത്വത്തിൽ മികച്ച രീതിയിൽ ക്രമീകരിക്കപ്പെട്ടു. റ്റിജോ ജേക്കബ്, ഐറിൻ മേരി രാജൻ, ജെയ്സി ജോൺ, വറുഗീസ് സി. ജോൺ, സണ്ണി ജോർജ്, വറുഗീസ് സാമുവൽ എന്നിവരുടെ നേതൃത്വത്തിൽ വിവിധ പരിപാടികൾ മികച്ച രീതിയിൽ സംഘടിപ്പിച്ചു.

സർപ്രൈസ് ജേതാക്കളായ ജെയ്ൻ കല്ലറയ്ക്കൽ, ജോൺ വറുഗീസ് എന്നിവരുടെ വിജയപ്രഖ്യാപനം ഫെസ്റ്റിവലിലെ ഏറ്റവും പ്രധാന ആകർഷണമായിരുന്നു. ഡേവിഡ് ഈപ്പൻ, ജോൺ മാത്യു, ചെറിയാൻ മാത്യു എന്നിവർ പാർക്കിങ് മാനേജ്മെന്റ് ആശങ്കകൾ ഇല്ലാതാക്കാൻ കഴിവുതെളിയിച്ചു.

കുട്ടികൾക്കായി ഒരുക്കിയ പ്രത്യേക വിഭവങ്ങൾക്കും അലീന ചെറിയാൻ നൽകിയ സംഭാവനകൾക്കും പ്രത്യേകം പ്രശംസ നേടിക്കൊടുത്തു. ഈ വർഷത്തെ വിളവെടുപ്പുത്സവത്തിൽ ഇഎഫ്ഐസിപി മുൻ ചെയർമാൻ ഫാ. ഫിലിപ്പ് മൊട്ടെയ്ൽ, ഇഎഫ്ഐസിപി പിആർഒ ഡാനിയേൽ തോമസ്, ഫൊക്കാന വൈസ് പ്രസിഡന്റ് ഷാലു പുന്നൂസ്, വേൾഡ് മലയാളി അസോസിയേഷൻ പ്രസിഡന്റ് നൈനാൻ മത്തായി, വിവിധ ഇടവകകളിലെ അംഗങ്ങളും പ്രമുഖരും പങ്കെടുത്തു.