മാർത്തോമ്മാ മെറിറ്റ് അവാർഡ് 2024: നോർത്ത് അമേരിക്ക ഭദ്രാസനം നോമിനേഷനുകൾ ക്ഷണിക്കുന്നു

ന്യൂയോർക്ക് ∙ 2024-ലെ മാർത്തോമ്മാ മെറിറ്റ് അവാർഡുകൾക്കായി നോർത്ത് അമേരിക്ക ഭദ്രാസനം നോമിനേഷനുകൾ ക്ഷണിക്കുന്നു.

ഹൈസ്‌കൂൾ ക്ലാസ് വാലിഡിക്‌ടോറിയൻമാരായി ബിരുദം നേടിയവരോ അസാധാരണമായ യോഗ്യതകളുള്ളവരോ (മാനദണ്ഡങ്ങൾക്ക് അനുയോജ്യമായ ഫോമുകൾ ശ്രദ്ധിക്കുക) മാർത്തോമ്മാ ഇടവകകളിലോ സഭകളിലോ അംഗങ്ങളായവരും ആരാധനാ ശുശ്രൂഷകളിൽ പങ്കെടുക്കുകയും ഇടവക പ്രവർത്തനങ്ങളിൽ പങ്കെടുക്കുകയും ചെയ്യുന്ന വിദ്യാർഥികൾ ഈ അവാർഡിന് അർഹരാണ്. 

അപേക്ഷകർ ആവശ്യമായ സഹായ രേഖകളോടൊപ്പം ഉചിതമായ ഫോമുകൾ പൂരിപ്പിക്കണം. ഫോമുകൾ അപേക്ഷകൻ ഒപ്പിടുകയും ഇടവക വികാരി പരിശോധിച്ചുറപ്പിക്കുകയും ചെയ്യേണ്ടതാണ്‌ . പൂരിപ്പിച്ച ഫോം അറ്റാച്ചുമെന്റുകൾ സഹിതം ഭദ്രാസന ഓഫിസിൽ ഡിസംബർ 16 നു മുൻപ് ലഭിക്കണമെന്നു സെക്രട്ടറിയുടെ അറിയിപ്പിൽ പറയുന്നു.