ഇസ്രയേലിലെ യുഎസ് അംബാസഡറായി മൈക്ക് ഹക്കബിയെ തിരഞ്ഞെടുത്ത് ഡോണൾഡ് ട്രംപ്

വാഷിങ്ടൻ ∙ അർക്കെൻസ മുൻ ഗവർണർ മൈക്ക് ഹക്കബിയെ ഇസ്രയേലിലെ യുഎസ് അംബാസഡറായി തിരഞ്ഞെടുത്ത് നിയുക്ത പ്രസിഡന്റ് ഡോണൾഡ് ട്രംപ്.  മൈക്ക് ഹക്കബിയെ നാമനിർദ്ദേശം ചെയ്യുന്നതിൽ തനിക്ക് സന്തോഷമുണ്ടെന്നും ട്രംപ് അറിയിച്ചു. 

'മൈക്ക് വർഷങ്ങളായി മികച്ച പൊതുപ്രവർത്തകനും ഗവർണറും വിശ്വാസ്തനായ നേതാവുമായി പ്രവർത്തിച്ചിട്ടുണ്ട്. അദ്ദേഹം ഇസ്രയേലിനെയും ഇസ്രയേൽ ജനതയെയും സ്നേഹിക്കുന്നു. മിഡിൽ ഈസ്റ്റിൽ  സമാധാനം കൊണ്ടുവരാൻ മൈക്ക് അക്ഷീണം പ്രവർത്തിക്കുമെന്ന്' ട്രംപ് തന്റെ പ്രസ്താവനയിൽ പറഞ്ഞു.