കേരള സമാജം ഓഫ് ഗ്രെയ്റ്റർ ന്യൂയോർക്ക് ഫാമിലി നൈറ്റ് നവംബർ 23ന്

ന്യൂയോർക്ക് ∙ കേരള സമാജം ഓഫ് ഗ്രെയ്റ്റർ ന്യൂയോർക്ക് അൻപത്തിരണ്ടാമത് വാർഷിക ഹോളിഡേ പാർട്ടിയും ഫാമിലി നൈറ്റും നവംബർ 23ന് വൈകിട്ട് 6 മണി മുതൽ ആഘോഷിക്കും. ഫ്ലോറൽ പാർക്കിലുള്ള ടൈസൺ സെന്ററിൽ നടക്കുന്ന ഫാമിലി നൈറ്റിന്റെ ഒരുക്കങ്ങൾ പൂർത്തിയായി.

സമാജം എക്സിക്യൂട്ടീവ് കമ്മിറ്റിയും ട്രസ്റ്റീ ബോർഡ് അംഗങ്ങളും ഈ വർഷത്തെ  കുടുംബ സംഗമത്തിനായ് പ്രവർത്തിക്കുകയാണ്. സമാജം പ്രസിഡന്റ് സിബി ഡേവിഡ്, ട്രസ്റ്റീ ബോർഡ് ചെയർമാൻ  സണ്ണി പണിക്കർ, വൈസ് പ്രസിഡൻറ്  മേരി ഫിലിപ്പ്, സെക്രട്ടറി സജി എബ്രഹാം, ട്രഷറർ വിനോദ് കേയാർക്കെ എന്നിവരാണ് ഭാരവാഹികൾ. അര നൂറ്റാണ്ടിലധികം പ്രായമായ കേരള സമാജത്തിന്റെ നിലവിലുള്ള അംഗങ്ങളുടെയെല്ലാം വിവരങ്ങളടങ്ങുന്ന റജിസ്ട്രി പുതുക്കുന്നതിന്റെ തിരക്കിലാണ് മെമ്പർഷിപ് കമ്മറ്റി ചെയർമാനും ജോയിന്റ് സെക്രട്ടറിയുമായ ജോസി സ്‌കറിയാ. 

കേരളാ സമാജത്തിന്റെ ഈ വർഷത്തെ അവസാന പരിപാടിയാണ്  23-ന്  നടക്കുന്ന കുടുംബ സംഗമം. കൾച്ചറൽ ചെയർമാൻ കുഞ്ഞു മാലിയിലിൻറെ നേതൃത്വത്തിൽ ഫാമിലി നൈറ്റ് ഏറ്റവും ആസ്വാദ്യകരമാക്കുവാൻ കമ്മറ്റി അംഗങ്ങളും ഓഡിറ്റർമാരും ഒത്തൊരുമിച്ച് പ്രവർത്തിക്കുന്നു. 

എക്സിക്യൂട്ടീവ് കമ്മിറ്റി അംഗങ്ങളായ ലീലാ മാരേട്ട്, ഷാജു സാം, ബെന്നി ഇട്ടീര, മാത്യുക്കുട്ടി ഈശോ, മാമ്മൻ ഏബ്രഹാം, ശ്രീനിവാസൻ, ട്രസ്റ്റീ ബോർഡ് അംഗങ്ങളായ വിൻസെന്റ് സിറിയക്ക്, വർഗ്ഗീസ് കെ. ജോസഫ്, പോൾ ജോസ്, ഫിലിപ്പോസ് കെ. ജോസഫ്, ഓഡിറ്റർമാരായ ഷാജി വർഗ്ഗീസ്, ഹേമചന്ദ്രൻ പെരിയാൽ എന്നിവരും മറ്റ് അംഗങ്ങളും ഇതിനായ് പ്രവർത്തിക്കുന്നു. 

കേരള സമാജം ഓഫ് ഗ്രെയ്റ്റർ ന്യൂയോർക്കിന്റെ "കേരള സന്ദേശം" പ്രസിദ്ധീകരിക്കുന്നത്തിനുള്ള ക്രമീകരണങ്ങൾ ലീലാ മാരേട്ടിന്റെ നേതൃത്വത്തിലുള്ള പബ്ലിക്കേഷൻ കമ്മിറ്റി നിർവഹിക്കുന്നു. നൂറിലധികം പേജുകളുള്ള സുവനീർ കുടുംബ സംഗമത്തിൽ പ്രകാശനം ചെയ്യും.

കൂടുതൽ വിവരങ്ങൾക്ക് തോമസ് ഡേവിഡ്, പ്രസിഡന്റ് [(917 ) 353- 1242, ഇമെയിൽ -  sibidavidny@yahoo.com] സണ്ണി പണിക്കർ, ബോർഡ് ചെയർമാൻ [(516) 884-7438, ഇമെയിൽ philipopanicker@yahoo.com],  സജി ഏബ്രഹാം, സെക്രട്ടറി [(917) 617-3959  ഇമെയിൽ - sajiabraham98@gmail.com] എന്നിവരെ ബന്ധപ്പെടുക.