തമിഴ്നാട്ടിൽ നിന്നു കേരളത്തിലെത്തുന്ന കോഴികളിൽ മാരക വൈറസ് ബാധിച്ചിരിക്കുന്നുവെന്നും അതു മനുഷ്യരിൽ സാംക്രമികരോഗത്തിനു കാരണമാകുന്നുവെന്നും സമൂഹമാധ്യമങ്ങളിൽ പ്രചരിക്കുന്ന വാർത്ത വ്യാജമാണെന്ന് ആരോഗ്യഡയറക്ടർ ഡോ. ആർ. എൽ സരിത അറിയിച്ചു.
മാരക വൈറസ് ബാധിച്ച കോഴികളെ ഭക്ഷിക്കുന്നതിലൂടെയും അവയെ പരിപാലിക്കുന്നതിലൂടെയും വൈറസ് മനുഷ്യശരീരത്തിലെത്തുകയും ദേഹം ചൊറിഞ്ഞു തടിച്ച് കുമിളകൾ രൂപപ്പെടുകയും ചെയ്യുമെന്നായിരുന്നു വാർത്ത. ആരോഗ്യ ഡയറക്ടർ തമിഴ്നാട് ആരോഗ്യ വിഭാഗത്തിൽ നിന്നു സ്ഥിരീകരണം തേടുകയും വാർത്ത തെറ്റാണെന്നു മനസ്സിലാക്കുകയും ചെയ്തു. വ്യാജവാർത്ത പ്രചരിപ്പിക്കുന്നവർക്കെതിരെ നടപടിയെടുക്കുമെന്നും അവർ അറിയിച്ചു.
Read More : ആരോഗ്യവാർത്തകൾ