ആദ്യാക്ഷരം – അഡ്വ. വിഷ്ണുരാജ് എഴുതിയ കവിത

ആനന്ദോപാധികൾ കൂട്ടുവാൻ 

ആവോളമീയുലകത്തെയറിയുവാൻ

ആകാശത്തോളം കൊതിക്കുവാൻ

ആദ്യാക്ഷരത്തിലൂടേൽക്കുന്നു

ആഭാതിയാമറിവകതാരങ്ങൾ
 

ആവനാഴിയിലെ അസ്ത്രങ്ങളിൻ

ആകമ്രമാകിയ പാച്ചിലിലൊരു

ആയുധസമാഗമം തീർക്കും

ആക്രമങ്ങളെ തടയേകുവാൻ

ആവശ്യമാകിയത് നല്ലുറ്ററിവും
 

തൊട്ടുനോക്കുന്നതും ചുറ്റുമങ്ങിനെ

തിളങ്ങിവിളങ്ങുന്നതും ആകെയാകെ

തെളിയുന്നതുമിരുണ്ടതും ഉറ്റതും

തെറ്റായതും തിരിച്ചറിഞ്ഞീടാനാകി

തേടിനേടേണ്ടതുണ്ടു പാഠങ്ങൾ
 

തിരക്കോടു തിരക്കിൽ കാലങ്ങൾ 

തിരതല്ലുന്നു മറയുന്നു പലതിനേയും

തീർത്തും ഉടച്ചും പിടിച്ചും ഉലച്ചും

തുടച്ചും ഇടിച്ചും തെളിച്ചുമിങ്ങനെ

തേടുമേതു മാനസങ്ങളാവകകളിൻ

തെളിഞ്ഞുള്ള സാരം ഗ്രഹിപ്പാൻ
 

ഈയുലകത്തിനുണർവ്വേകുന്ന

ഇമ്പം തെളിക്കുന്ന വെട്ടമേകുന്നതും

ഈ കാണ്മതിനേതിനേയും നേർമ്മ

ഇണക്കുന്ന ഒന്നാകിയ ജ്വലിതമായ്

ഇറ്റും ശോഭയാം സൂര്യനുമതുപോൽ

ഇരുളാം മൂഢത്വത്തിൽ നിന്നുണർത്തും

ഇങ്ങിലക്ഷരങ്ങളുമറിവുകളും
 

ഇന്നുമെന്നുമോർക്കാനൊരു ആദ്യദിനം

ഇല്ലാതിരിക്കുമോ ഏറിയയേവരിലും

ഈറനണിഞ്ഞ കൺകളിൽ നിന്നും

ഇറ്റുന്നശ്രുക്കൾ ഉയരുന്ന കരച്ചിലുകൾ

ഈവ്വണമാകിലും അതിൽ പിന്നെ

ഇണങ്ങിടുന്നക്ഷരങ്ങളോടും
 

അക്ഷരസാഗരം നൽകിടുന്നുണ്ടു

അനവധിയാം മഹോത്തമരാകിയ

അധ്യാപകർ തന്നെയും പലഘട്ടങ്ങളിൽ

അമൃതെന്നതാകിയ പലയാം ഉണ്മകൾ

അറിയായറിവുകൾ പകർന്നേകുന്നു

അതീവമാം മായകൾ തന്മകൾ 

അണിഞ്ഞുള്ള പ്രകൃതിയേകും തെന്നൽപോൽ
 

അധ്യാപകർ അകറ്റിയിട്ടുണ്ടേറെ

അഹന്തയും അജ്ഞതയും ഉണ്ടായുള്ള

അകതാരന്യൂനതകൾ തന്നെയും

അരിയാലെഴുതിയതും അമ്മയിൽ നിന്നും

അറിഞ്ഞതും ചുറ്റിൽ നിന്നും ചേർന്നതും

അക്ഷരങ്ങൾ തന്നെയുമെങ്കിലുമവ

അടക്കം വരുത്തുന്നു ഒതുക്കം പരത്തുന്നു

അകതാരിലേക്കേകുന്നധ്യാപകർ
 

Content Summary: Malayalam Poem ' Aadyaksharam ' Written by Adv. Vishnuraj