പാല്‍ കസ്റ്റഡിയില്‍..! ഈ തലക്കെട്ടില്‍ രണ്ടുദിവസം മുന്‍പ് ഒരു ടീസര്‍ പ്രത്യക്ഷപ്പെട്ടു. പല പ്രമുഖരുടെയും ഫെയ്സ്ബുക്ക് പേജുകളില്‍ പ്രത്യക്ഷപ്പെട്ട ടീസറില്‍ ഫഹദ് ഫാസിലും ദിലീഷ് പോത്തനും ഉണ്ണിമായയും എല്ലാമുണ്ട്. കണ്ടവര്‍ക്ക് ആകെ കണ്‍ഫ്യൂഷനായി. ഇത് സിനിമയോ ഷോര്‍ട്ട് ഫിലിമോ മറ്റുവല്ലതുമോ..? ഇന്നുപക്ഷേ സംഗതി ക്ലിയറായി. മില്‍മയുടെ പരസ്യമായിരുന്നു അത്. സിനിമ പോലെ മികവോടെ പകര്‍ത്തിയ പരസ്യം. ഇനി സംവിധായകന്‍ ആരാണ് എന്നറിയേണ്ടേ..? സാക്ഷാല്‍ ആഷിഖ് അബു.
ദിലീഷ് പോത്തന്‍ സംവിധാനം ചെയ്ത ‘തൊണ്ടിമുതലും ദൃക്സാക്ഷിയും’ എന്ന സിനിമയുടെ ഓര്‍മകളുണര്‍ത്തി ഒരു പൊലീസ് സേറ്റേഷനിലാണ് കഥ നടക്കുന്നത്. ഹെല്‍മറ്റ് വയ്ക്കാത്തിന് പിടിയിലായ പ്രതി പൊലീസിനോട് മില്‍മ പാലിന്‍റെ നന്മകള്‍ പറയുന്നു. ഫഹദും ദിലീഷും അടക്കം അഭിനേതാക്കളാകുന്നു. ബിജിപാലാണ് സംഗീതം. രണ്‍ദീവെ ക്യാമറ കൈകാര്യം ചെയ്യുന്നു.