കർമയോദ്ധ, ദൃശ്യം എന്നീ ചിത്രങ്ങൾക്ക് ശേഷം മോഹൻലാലിനൊപ്പം ആശ ശരത് വീണ്ടും. മോഹന്‍ലാലിനെ നായകനാക്കി മേജര് രവി സംവിധാനംചെയ്യുന്ന 1971 ബിയോണ്ട് ബോര്‍ഡേഴ്സിലെ നായികയായാണ് ആശ ശരത് ഒരിക്കല്‍ക്കൂടി പ്രേക്ഷകര്‍ക്ക് മുന്നിലെത്തുന്നത്. ചിത്രത്തിന്‍റെ ഷൂട്ടിങ് ഒറ്റപ്പാലത്ത് തുടരുകയാണ്.
മോഹന്‍ലാല്‍- മേജര് രവി കൂട്ടുക്കെട്ടിലെ അ‍ഞ്ചാമത്തെ ചിത്രം.1971 ബിയോണ്ട് ബോര്‍ഡേഴ്സ്. കീര്‍ത്തിചക്ര, കുരുക്ഷേത്ര , കാണ്ഡഹാര്‍ എന്നീ ചിത്രങ്ങളിലെ കേന്ദ്രകഥാപാത്രമായ മേജര് മഹാദേവനായും മകന്‍ മേജര് സഹദേവനായും മോഹന്‍ലാല്‍ എത്തുന്നു.
ഇന്ത്യ പാക് യുദ്ധത്തിന്‍റെ പശ്ചാത്തലത്തില്‍ പുരോഗമിക്കുന്ന കഥ. രാജസ്ഥാന്‍ , ഉഗാണ്ഡ എന്നിവിടങ്ങള്‍ക്കു പുറനെ ഒറ്റപ്പാലത്തും പട്ടാമ്പിയിലുമായാണ് ചിത്രം പൂര്‍ത്തിയാകുന്നത്. റെഡ്ക്രോസ് ക്രിയേഷന്‍സിന്റെ ബാനറില്‍ ഹനീഫ് മുഹമ്മദ്ദാണ് ചിത്രം നിര്‍മിക്കുന്നത്. അല്ലു അര്‍ജുന്റെ സഹോദരന്‍ അല്ലു സിരീഷ് , നിക്കി ഗില്‍റാണി തുടങ്ങിയവര്‍ ചിത്രത്തില്‍ അഭിനയിക്കുന്നു.
