യുവത്വത്തിന്റെ ആഘോഷത്തെ പ്രമേയമാക്കിയ ചങ്ക്സ് എന്ന ചിത്രത്തിൽ നിന്ന് ഇതുവരെ പുറത്തിറങ്ങിയ ഗാനങ്ങളെല്ലാം രസകരമാണ്. ഹേ കിളി പെണ്ണേ എന്ന ഗാനാണ് ഏറ്റവും പുതിയത്. നായകൻ ബാലു വർഗീസും നായി ഹണി റോസും തമ്മിലുള്ള പ്രണയവും അവരുടെ ആഘോഷവും കാണിക്കുന്ന ഈ പാട്ടും രസകരമാണ്.
കേട്ടാൽ പ്രസരിപ്പു തോന്നുന്ന വരികളും താളവുമാണ് ഹേ കിളിപ്പെണ്ണേ എന്ന പാട്ടിന്. അതിരുകളില്ലാത്ത ആഘോഷമാണ് ജീവിതം എന്നു പറയുന്നു പാട്ടിന്റെ ദൃശ്യങ്ങൾ. ബി.കെ ഹരിനാരായണനാണ് ഈ വരികൾ കുറിച്ചത്. ഈണമിട്ടത് ഗോപി സുന്ദറും. റംഷിയാണ് ഈ പാട്ട് പാടിയത്. ഒമര്‍ ലുലു സംവിധാനം ചെയ്ത ചിത്രത്തിന് തീയറ്ററുകളിൽ നിന്ന് മികച്ച പ്രതികരണം നേടാനായി.
×
