ബഷീറിന്റെ പ്രേമലേഖനം എന്ന ചിത്രത്തിൽ നിന്ന് രണ്ടാം ഗാനം പുറത്തിറങ്ങി. പെണ്ണേ പെണ്ണേ എന്നു തുടങ്ങുന്ന ഗാനമാണിത്. ഫർഹാൻ ഫാസിലും സന അൽത്തഫും തമ്മിലുള്ള പ്രണയമാണ് പാട്ടിന്റെ വരികളിലും രംഗങ്ങളിലും. വിഷ്ണു മോഹൻ സിത്താരയാണ് ഈണമിട്ടു പാടിയത്. വരികൾ ഹരിനാരായണൻ ബി.കെയുടേതാണ്.
മലയാളത്തിന്റെ പ്രിയപ്പെട്ട പ്രണയ ജോഡികൾ വർഷങ്ങൾക്കിപ്പുറം ഒന്നിക്കുന്ന ചിത്രം കൂടിയാണ് ബഷീറിന്റെ പ്രേമലേഖനം. സിനിമയിലെ ആദ്യ ഗാനം ഇതിനോടകം ഏറെ ശ്രദ്ധ നേടിയിരുന്നു. അനീഷ് അൻവർ സംവിധാനം ചെയ്യുന്ന ചിത്രം എഴുതിയത് ഷിനോദും ഷംസീറും ബിപിനും ചേർന്നാണ്. സഞ്ജയ് ഹാരിസിന്റേതാണു ഛായാഗ്രഹണം. ഫോർട്ട് എന്‍റർടെയ്ൻമെന്റിന്റെ ബാനറിൽ സഞ്ജയ് ഹാരിസ് ആണു ചിത്രം നിർമ്മിക്കുന്നത്.
×
