ഇടുക്കി∙ കേരള ക്രിക്കറ്റ് അസോസിയേഷന്റെ ഇടുക്കി ജില്ലാസെക്രട്ടറി സ്ഥാനം ടി.സി.മാത്യു രാജിവച്ചു. 18 വർഷമായി തുടരുന്ന പദവിയിൽനിന്നാണു ടി.സി.മാത്യു ഒഴിഞ്ഞത്. രാജിയുടെ ഔദ്യോഗികപ്രഖ്യാപനം ഉടനുണ്ടാകുമെന്നു കെസിഎ സെക്രട്ടറി ജയേഷ് ജോർജ് പറഞ്ഞു.
ലോധകമ്മിറ്റി നിർദേശം നടപ്പാക്കുന്നതിന്റെ ഭാഗമായാണു രാജി എന്നാണു കെസിഎയുടെ ഔദ്യോഗിക വിശദീകരണം. കെസിഎയിൽ ഈ മാസം അവസാനത്തോടെ തിരഞ്ഞെടുപ്പു നടക്കാനിരിക്കെയാണു രാജി. കഴി‍ഞ്ഞ ജനുവരി മുതൽ കെസിഎയുടെ യോഗങ്ങളിൽ ടി.സി.മാത്യു പങ്കെടുത്തിരുന്നില്ലെന്നും സൂചനയുണ്ട്.
×
