വിജയഗോൾ നേടിയ ഡുഡുവിനെ അഭിനന്ദിക്കുന്ന സഹതാരങ്ങൾ. (ട്വിറ്റർ ചിത്രം)
ഭുവനേശ്വർ∙ ഐഎസ്എൽ പ്രതിനിധികളായ എഫ്സി ഗോവയെ തോൽ‌പ്പിച്ച് ഐ ലീഗ് ക്ലബ്ബായ ഈസ്റ്റ് ബംഗാൾ പ്രഥമ ഇന്ത്യൻ സൂപ്പർ കപ്പിന്റെ ഫൈനലിൽ. ഏകപക്ഷീയമായ ഒരു ഗോളിനാണ് ഈസ്റ്റ് ബംഗാളിന്റെ വിജയം. മൽസരത്തിന്റെ 79–ാം മിനിറ്റിൽ നൈജീരിയൻ താരം ഡുഡു നേടിയ ഗോളാണ് ഈസ്റ്റ് ബംഗാളിന് അവിസ്മരണീയ ജയം സമ്മാനിച്ചത്.
ചൊവ്വാഴ്ച നടക്കുന്ന രണ്ടാം സെമിയിൽ മോഹൻ ബഗാനും ബെംഗളൂരു എഫ്സിയും ഏറ്റുമുട്ടും. ഈ മൽസരത്തിലെ വിജയികളുമായിട്ടാകും ഈസ്റ്റ് ബംഗാളിന്റെ കലാശപ്പോരാട്ടം. ഏപ്രിൽ 20നാണ് ഫൈനൽ.
×
