രാഹുൽ ഗാന്ധിയും വി.എം. സുധീരനും (ഇടത്); ഉമ്മൻ ചാണ്ടിയെ രാഹുൽ കാറിലേക്കു ക്ഷണിക്കുന്നു.
തിരുവനന്തപുരം∙ പ്രളയകേരളത്തിന്‍റെ ദുരിതങ്ങള്‍ കാണാനും ആശ്വാസമാകാനും കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി എത്തിയത് ചൊവ്വാഴ്ച രാവിലെ. രാഹുലിനെ സ്വീകരിക്കാന്‍ കോണ്‍ഗ്രസ് നേതാക്കളെല്ലാം എത്തുകയും ചെയ്തു. ആ സ്വീകരണത്തിനിടെ സൗഹൃദത്തിന്‍റെ ചില ഊഷ്മള നിമിഷങ്ങള്‍ കൂടി കണ്ടു.
സാധാരണഗതിയില്‍ വന്‍സുരക്ഷയുടെ നടുവിലാകും രാഹുല്‍ ഉള്‍പ്പെടെയുള്ള നേതാക്കള്‍. പക്ഷേ, അതിനെല്ലാമപ്പുറം ചില നല്ല കാഴ്ചകള്‍ തരുന്നു ഈ വിഡിയോ. രാഹുല്‍ ഗാന്ധി കേരളത്തിലെ നേതാക്കളോടു പുലര്‍ത്തുന്ന സൗഹൃദവും കരുതലും ഈ വിഡിയോയില്‍ വ്യക്തം. കാറിലേക്കു നേതാക്കളെ വിളിച്ചു കയറ്റുന്ന രാഹുലിനെയും കാണാം വിഡിയോയില്‍.
×
