രുചിമേളമൊരുക്കി രസികൻ പുട്ട്

മിക്സ് ഫ്രൂട്ട് ജാമിന്റെയും പഞ്ചസാരപ്പാനിയുടെയും സ്വാദുള്ളൊരു രസികൻ പുട്ടിന്റെ കൂട്ട് പരിചയപ്പെടാം. കുട്ടിപ്പട്ടാളത്തിന് ഏറെ ഇഷ്ടപ്പെടുന്നൊരു രുചിക്കൂട്ടാണിത്. രണ്ട് തരത്തിലുള്ള പുട്ടുപൊടി ഇവിടെ ഉപയോഗിക്കുന്നുണ്ട്, വെള്ള പുട്ട്പൊടിയും ചെമ്പ പുട്ട്പൊടിയും.

വെള്ള പുട്ട്പൊടി - 80 ഗ്രാം
ചെമ്പ പുട്ട്പൊടി - 20 ഗ്രാം
മിക്സ് ഫ്രൂട്ട് ജാം – 30 ഗ്രാം (ഒരു പുട്ടിന്)
പഞ്ചസാരപ്പാനി – 100 ഗ്രാം പഞ്ചസാരയ്ക്ക് 100 ഗ്രാം വെള്ളം എന്ന കണക്കിൽ തയാറാക്കിയ പാനി
തേങ്ങ – 10 ഗ്രാം

തയാറാക്കുന്ന വിധം

ആദ്യം പുട്ടുപൊടി ഇടുക, ജാമിന്റെ ഫില്ലിങ് ഇടുക, വീണ്ടും പുട്ടുപൊടിയിടുക, ജാമിന്റെ ഫില്ലിങ് ഇടുക ഇതിലേക്ക് ചെമ്പ പൊടി ഇടുക. ഇതിന് മുകള​ിലേക്ക് വെള്ള പുട്ട് പൊടി ഇട്ടുകൊടുത്തു പുട്ട് വേവിച്ചെടുക്കാം. വിളമ്പാനുള്ള പാത്രത്തലേക്കു മാറ്റിയ ശേഷം ഇതിനു മുകളിലേക്ക് തയാറാക്കി വച്ചിരിക്കുന്ന പഞ്ചസാരപ്പാനി ഒഴിച്ചു കൊടുക്കാം. ഈ രസികൻ പുട്ട് കുട്ടികൾക്ക് ഏറെ ഇഷ്ടപ്പെടും.