പ്രഭാതഭക്ഷണത്തിനൊരുക്കാം സേമിയ ഉപ്പുമാവ്

കുട്ടികൾക്ക് ഏറെ പ്രിയപ്പെട്ട ഫാസ്റ്റ് ഫുഡ് വിഭവമാണ് സേമിയ. പ്രഭാത ഭക്ഷണത്തിനു പച്ചക്കറികൾ ചേർത്തു ടേസ്റ്റി ഉപ്പുമാവ് തയാറാക്കുന്നത് എങ്ങനെയെന്നു നോക്കാം.

ചേരുവകൾ

• സേമിയ - 1 കപ്പ്
• സവാള - 1 എണ്ണം അരിഞ്ഞത്
• ഇഞ്ചി അരിഞ്ഞത് - 1/2 ടീസ്പൂൺ
• പച്ചമുളക് - 2 എണ്ണം
• കറിവേപ്പില 
• കാരറ്റ്  - 1/2 ഇടത്തരം വലിപ്പം ചെറുതായി അരിഞ്ഞത് 
• ചൂട് വെള്ളം - 1 1/4 കപ്പ്
• ഉപ്പ് - 3/4 ടീസ്പൂൺ
• കടുക്  - 1/4 ടീസ്പൂൺ
• ഉഴുന്നു പരിപ്പ് - 1/2 ടീസ്പൂൺ
• കശുവണ്ടിപ്പരിപ്പ് - 5 മുതൽ 6 വരെ
• വെളിച്ചെണ്ണ - 1 & 1/2 ടേബിൾ സ്പൂൺ 

തയാറാക്കുന്ന വിധം

• ഒരു ഫ്രൈയിങ് പാൻ ചൂടാക്കി വെളിച്ചെണ്ണ ചേർക്കുക. കടുക്, ഉഴുന്നു പരിപ്പ് എന്നിവ ചേർക്കുക.
• ഉഴുന്നു പരിപ്പ് ഇളം തവിട്ട് നിറമാകുമ്പോൾ കശുവണ്ടിപ്പരിപ്പ് ചേർക്കുക.
• കശുവണ്ടിപ്പരിപ്പ് മൂത്ത് കഴിഞ്ഞാൽ അരിഞ്ഞ സവാള, ഇഞ്ചി, പച്ചമുളക്, കറിവേപ്പില എന്നിവ ചേർക്കുക. 
• 1-2 മിനിറ്റ് വഴറ്റുക.
• ചൂടുവെള്ളവും ഉപ്പും ചേർക്കുക.
• ഇത് ഒരു മിനിറ്റ് തിളയ്ക്കാൻ അനുവദിക്കുക.
• ഇനി വെർമിസെല്ലി / സേമിയ ചേർത്തു നന്നായി ഇളക്കുക.
• തീ കുറച്ച് 4 മുതൽ 5 മിനിറ്റു വരെ മൂടി വച്ച് വേവിക്കുക. അടപ്പു തുറന്നു യോജിപ്പിക്കുക. 
• അടപ്പ് അടച്ച് തീ താഴ്ത്തി, 2 മുതൽ 3 മിനിറ്റ് കൂടി വേവിക്കുക.
• തുറന്ന് 1/2 ടീസ്പൂൺ നെയ്യ് ചേർക്കുക. നന്നായി യോജിപ്പിക്കുക. തീ ഓഫ് ചെയ്യുക. ഇത് 5 മിനിറ്റ് കൂടി അടച്ചു  ചൂടോടെ വിളമ്പുക. സൂപ്പർ ടേസ്റ്റി ആയിട്ടുള്ള സേമിയ ഉപ്പുമാവ് റെഡി.

Content Summary : Vermicelli is any childs favourite food.