കടല കൊണ്ടൊരു സിംപിൾ സാലഡ് : ഷെഫ് സ്പെഷൽ

സാലഡ് പൊതുവെ മലയാളികൾക്ക് അത്ര പ്രിയം ഉള്ള ഒരു ആഹാര രീതി അല്ല . എന്നാലും ഈ സിംപിൾ സാലഡ് അത്താഴത്തിനു ചപ്പാത്തിക്കും ദാൽ കറിയുടെ കൂടെയും  ചായക്ക്‌ ചെറു കടി ആയും വരെ ആസ്വദിക്കാം. 

ചേരുവകൾ

• കടല വേവിച്ചത്  – 1 കപ്പ്
• ഉള്ളി കൊത്തി അരിഞ്ഞത് –   1/2 കപ്പ് 
• തേങ്ങാ ചിരകിയത്  –  1/2 കപ്പ് 
• കുരുമുളക് പൊടി – 1/2 ട്സപ്
• ഉപ്പ് – പാകത്തിന് 
• നാരങ്ങാ നീര് – ആവശ്യത്തിന് 

താളിക്കുന്നതിന് 

• വെളിച്ചെണ്ണ – 1 ടേബിൾസ്പൂൺ 
• കടുക് –  1 ടീസ്പൂൺ 
• കറിവേപ്പില – 1 തണ്ട് 
• മുളക് – 2-3 എണ്ണം

തയാറാക്കുന്ന വിധം 

1) കടല, ഉള്ളി, തേങ്ങാ പീര എന്നിവ ഒരുമിച്ച്  ഒരു പാത്രത്തിൽ യോജിപ്പിച്ചതിനു ശേഷം  കുരുമുളക് , ഉപ്പ് , നാരങ്ങാ നീര് എന്നിവ ആവശ്യാനുസരണം ചേർത്ത് പുരട്ടി എടുക്കുക .

2) ചെറിയ പാനിൽ വെളിച്ചെണ്ണ ചൂടാക്കി കടുക് പൊട്ടിച്ചു കറിവേപ്പിലയും  മുളകും താളിച്ചു പുരട്ടി വച്ചിരിക്കുന്ന കടലയിൽ ഒഴിച്ച് യോജിപ്പിച്ചാൽ നല്ല ഒന്നാന്തരം കടല തേങ്ങാ സാലഡ് റെഡി.

English Summary : Chickpeas are loaded with essential nutrients and are light on the stomach as well.