പ്രഷർ കുക്കറില്‍ എളുപ്പത്തില്‍ രുചികരമായ ചിക്കൻ ബിരിയാണി ഉണ്ടാക്കാം

മഴക്കാലമൊക്കെയല്ലേ, നല്ല ചൂടന്‍ ബിരിയാണി കഴിച്ചാലോ? അധികം ബുദ്ധിമുട്ടില്ലാതെ പ്രഷര്‍ കുക്കറില്‍ തന്നെ എളുപ്പത്തില്‍ ബിരിയാണി തയാറാക്കാം. 

 

ചേരുവകൾ

∙ബസ്മതി അരി - 2 കപ്പ്

∙വെള്ളം - 3 കപ്പ്

∙ചിക്കൻ - ½ കിലോ

∙സവാള - 2 എണ്ണം വലുത് ചെറുതായി അരിഞ്ഞത്

∙തക്കാളി-1

∙പച്ചമുളക് - 4 എണ്ണം അരിഞ്ഞത്

∙ഇഞ്ചി വെളുത്തുള്ളി പേസ്റ്റ് - 3 ടീസ്പൂൺ

∙വഴനയില/കറുവപ്പട്ട ഇല/ബേ ലീഫ് - 1

∙മല്ലിയില - ½ കപ്പ്

∙പുതിനയില - ½ കപ്പ്

∙കട്ടിയുള്ള തൈര് - 1 കപ്പ്

∙ചുവന്ന മുളക് പൊടി - 2 ടീസ്പൂൺ അല്ലെങ്കിൽ ആവശ്യത്തിന്

∙ഗരം മസാല പൊടി - 1 ടീസ്പൂൺ

∙മഞ്ഞൾ പൊടി - 1 ടീസ്പൂൺ

∙മല്ലിപ്പൊടി - 1 ടീസ്പൂൺ

∙ജീരകപ്പൊടി - 1 ടീസ്പൂൺ

∙കശുവണ്ടി - 2 ടീസ്പൂൺ

∙ഉണക്കമുന്തിരി - 2 ടീസ്പൂൺ

∙എണ്ണ - 3 ടേബിൾസ്പൂൺ

∙നെയ്യ് - 3 ടേബിൾസ്പൂൺ

∙ഉപ്പ് പാകത്തിന്

ആവശ്യത്തിന് നാരങ്ങ നീര് 

 

താളിക്കാന്‍

∙ജീരകം - 1 ടീസ്പൂൺ

∙പെരുംജീരകം - 1 ടീസ്പൂൺ

∙കറുവപ്പട്ട  - 1 ചെറിയ കഷ്ണം

∙ഗ്രാമ്പൂ  - 5

∙ഏലക്ക - 5 എണ്ണം ചതച്ചത്

∙ബേ ലീഫ് - 1

 

പ്രഷർ കുക്കർ ചിക്കൻ ബിരിയാണി ഉണ്ടാക്കുന്ന വിധം

1. ബസ്മതി അരി കഴുകി ഏകദേശം 30 മിനിറ്റ് കുതിർക്കുക, എന്നിട്ട് അത് ഊറ്റി മാറ്റി വയ്ക്കുക.

2. ഒരു പ്രഷർ കുക്കറിൽ എണ്ണയും നെയ്യും ചൂടാക്കുക, അതിൽ കുറച്ച് കശുവണ്ടിയും ഉണക്കമുന്തിരിയും സ്വർണ്ണനിറമാകുന്നത് വരെ വറുക്കുക. അവ  മാറ്റി വയ്ക്കുക.

3. ഉള്ളി, പച്ചമുളക് എന്നിവ ചെറിയ തീയിൽ ബ്രൗൺ നിറമാകുന്നതുവരെ വഴറ്റുക.

4. ഇതിലേക്ക് ഇഞ്ചി വെളുത്തുള്ളി പേസ്റ്റ് ചേർത്ത് ഒരു മിനിറ്റ് വഴറ്റുക.

5. തക്കാളി, മസാലപ്പൊടികൾ, മല്ലിയില, പുതിനയില എന്നിവ ചേർക്കുക. ഇത് നന്നായി ഇളക്കുക.

ഇതിലേക്ക് തൈര്  ഒഴിച്ച് നന്നായി മിക്സ് ചെയ്യുക.ഇനി ചിക്കൻ കഷണങ്ങൾ ഇട്ട് ചിക്കൻ മസാലയിൽ നന്നായി പൊതിയുന്നത് വരെ 10 മിനിറ്റ് വഴറ്റുക.

6. ഇതിലേക്ക് കുതിർത്ത ബസ്മതി അരി ചേർത്ത് നന്നായി യോജിപ്പിക്കുക. 3 കപ്പ് വെള്ളം ഒഴിച്ച് കുറച്ച് ഉപ്പ് ചേർത്ത് നന്നായി ഇളക്കുക.

7. ഇതൊന്നു നന്നായി തിളച്ചു വന്ന ശേഷം തീ കുറയ്ക്കുക, പ്രഷർ കുക്കർ മൂടി വെച്ച് 1 വിസിൽ വരുന്നത് വരെ വേവിക്കുക, തുടര്‍ന്ന് സിമ്മില്‍ ഇട്ട് 15 മിനിറ്റ് വേവിക്കുക. ഇനി തീ ഓഫ് ചെയ്യാം. ആവി തനിയെ പോകുന്നത് വരെ കാത്തിരിക്കണം. 

8. പാകം ചെയ്തുകഴിഞ്ഞാൽ, പ്രഷർ കുക്കർ തുറന്ന് ഒരു ഫോർക്ക് ഉപയോഗിച്ച് ഇളക്കുക. ഈ സമയത്ത് അൽപം നാരങ്ങ നീര് പിഴിഞ്ഞ് നന്നായി യോജിപ്പിക്കാം.

9. വറുത്ത കശുവണ്ടിയും ഉണക്കമുന്തിരിയും കൊണ്ട് അലങ്കരിക്കുക, ഇതിനു മുകളിലേക്ക് കുറച്ച് മല്ലിയില വിതറുക. കുക്കര്‍ ബിരിയാണി റെഡി!

English Summary: Pressure Cooker easy Chicken Biryani Recipe