![](data:image/svg+xml;charset=utf-8,<svg height="20px" width="72px" xmlns="http://www.w3.org/2000/svg" version="1.1"/>)
‘സർക്കാരുകളെക്കാൾ ശക്തം ലഹരിമാഫിയ; നിയന്ത്രണമല്ല, വേണ്ടത് ഉന്മൂലനം; അധ്യാപകസേനയ്ക്ക് വേണം കരുത്ത്’
എന്തിനോടും ഏതിനോടും ദേഷ്യം പ്രകടിപ്പിക്കുന്ന ‘വെർബൽ വയലൻസ്’ മുതൽ സഹപാഠിയെ മർദിച്ചു കൊല്ലുന്ന ശാരീരിക അക്രമം വരെ, അക്രമങ്ങളെ ന്യായീകരിക്കുന്നതുമുതൽ വേട്ടക്കാർക്കു വീരപരിവേഷം കൽപിക്കുന്നതുവരെ, ചെക്പോസ്റ്റ് കടന്നെത്തുന്ന കഞ്ചാവ് മുതൽ രാജ്യാന്തര ലഹരി കാർട്ടലുകൾ കടൽ കടത്തിക്കൊണ്ടുവരുന്ന രാസലഹരി വരെ...നമ്മുടെ നല്ല കേരളത്തിന് എന്തുപറ്റി? എന്താണ് ആരും പ്രതികരിക്കാത്തത്? കേരളത്തിലുണ്ടായിരുന്ന സാമൂഹിക സുരക്ഷാവലയം തകർന്നതെങ്ങനെ? നല്ല കേരളത്തെ വീണ്ടെടുക്കാനുള്ള അവസാന മാർഗമെന്ത്? സംസ്ഥാന പൊലീസിലെ മുൻ ഡിജിപിമാർ മനോരമയ്ക്കുവേണ്ടി ഒത്തുചേർന്ന ‘വീണ്ടെടുക്കാം നല്ലകേരളം’ ആശയക്കൂട്ടായ്മ ഈ ചോദ്യങ്ങൾക്കെല്ലാമുള്ള ഉത്തരം തേടുകയായിരുന്നു. ലഹരിവ്യാപനത്തെ നിയന്ത്രിക്കുക എന്നതല്ല, ഉന്മൂലനം ചെയ്യുക എന്നതാവണം ലക്ഷ്യം. ഭരണകൂടങ്ങളെക്കാളും ശക്തമാണ് മാഫിയയെന്ന ഗൗരവത്തോടെയാണു പ്രതിരോധ നടപടികൾ ആസൂത്രണം ചെയ്യേണ്ടതെന്നും അവർ നിർദേശിച്ചു.
എന്തിനോടും ഏതിനോടും ദേഷ്യം പ്രകടിപ്പിക്കുന്ന ‘വെർബൽ വയലൻസ്’ മുതൽ സഹപാഠിയെ മർദിച്ചു കൊല്ലുന്ന ശാരീരിക അക്രമം വരെ, അക്രമങ്ങളെ ന്യായീകരിക്കുന്നതുമുതൽ വേട്ടക്കാർക്കു വീരപരിവേഷം കൽപിക്കുന്നതുവരെ, ചെക്പോസ്റ്റ് കടന്നെത്തുന്ന കഞ്ചാവ് മുതൽ രാജ്യാന്തര ലഹരി കാർട്ടലുകൾ കടൽ കടത്തിക്കൊണ്ടുവരുന്ന രാസലഹരി വരെ...നമ്മുടെ നല്ല കേരളത്തിന് എന്തുപറ്റി? എന്താണ് ആരും പ്രതികരിക്കാത്തത്? കേരളത്തിലുണ്ടായിരുന്ന സാമൂഹിക സുരക്ഷാവലയം തകർന്നതെങ്ങനെ? നല്ല കേരളത്തെ വീണ്ടെടുക്കാനുള്ള അവസാന മാർഗമെന്ത്? സംസ്ഥാന പൊലീസിലെ മുൻ ഡിജിപിമാർ മനോരമയ്ക്കുവേണ്ടി ഒത്തുചേർന്ന ‘വീണ്ടെടുക്കാം നല്ലകേരളം’ ആശയക്കൂട്ടായ്മ ഈ ചോദ്യങ്ങൾക്കെല്ലാമുള്ള ഉത്തരം തേടുകയായിരുന്നു. ലഹരിവ്യാപനത്തെ നിയന്ത്രിക്കുക എന്നതല്ല, ഉന്മൂലനം ചെയ്യുക എന്നതാവണം ലക്ഷ്യം. ഭരണകൂടങ്ങളെക്കാളും ശക്തമാണ് മാഫിയയെന്ന ഗൗരവത്തോടെയാണു പ്രതിരോധ നടപടികൾ ആസൂത്രണം ചെയ്യേണ്ടതെന്നും അവർ നിർദേശിച്ചു.
എന്തിനോടും ഏതിനോടും ദേഷ്യം പ്രകടിപ്പിക്കുന്ന ‘വെർബൽ വയലൻസ്’ മുതൽ സഹപാഠിയെ മർദിച്ചു കൊല്ലുന്ന ശാരീരിക അക്രമം വരെ, അക്രമങ്ങളെ ന്യായീകരിക്കുന്നതുമുതൽ വേട്ടക്കാർക്കു വീരപരിവേഷം കൽപിക്കുന്നതുവരെ, ചെക്പോസ്റ്റ് കടന്നെത്തുന്ന കഞ്ചാവ് മുതൽ രാജ്യാന്തര ലഹരി കാർട്ടലുകൾ കടൽ കടത്തിക്കൊണ്ടുവരുന്ന രാസലഹരി വരെ...നമ്മുടെ നല്ല കേരളത്തിന് എന്തുപറ്റി? എന്താണ് ആരും പ്രതികരിക്കാത്തത്? കേരളത്തിലുണ്ടായിരുന്ന സാമൂഹിക സുരക്ഷാവലയം തകർന്നതെങ്ങനെ? നല്ല കേരളത്തെ വീണ്ടെടുക്കാനുള്ള അവസാന മാർഗമെന്ത്? സംസ്ഥാന പൊലീസിലെ മുൻ ഡിജിപിമാർ മനോരമയ്ക്കുവേണ്ടി ഒത്തുചേർന്ന ‘വീണ്ടെടുക്കാം നല്ലകേരളം’ ആശയക്കൂട്ടായ്മ ഈ ചോദ്യങ്ങൾക്കെല്ലാമുള്ള ഉത്തരം തേടുകയായിരുന്നു. ലഹരിവ്യാപനത്തെ നിയന്ത്രിക്കുക എന്നതല്ല, ഉന്മൂലനം ചെയ്യുക എന്നതാവണം ലക്ഷ്യം. ഭരണകൂടങ്ങളെക്കാളും ശക്തമാണ് മാഫിയയെന്ന ഗൗരവത്തോടെയാണു പ്രതിരോധ നടപടികൾ ആസൂത്രണം ചെയ്യേണ്ടതെന്നും അവർ നിർദേശിച്ചു.
എന്തിനോടും ഏതിനോടും ദേഷ്യം പ്രകടിപ്പിക്കുന്ന ‘വെർബൽ വയലൻസ്’ മുതൽ സഹപാഠിയെ മർദിച്ചു കൊല്ലുന്ന ശാരീരിക അക്രമം വരെ, അക്രമങ്ങളെ ന്യായീകരിക്കുന്നതുമുതൽ വേട്ടക്കാർക്കു വീരപരിവേഷം കൽപിക്കുന്നതുവരെ, ചെക്പോസ്റ്റ് കടന്നെത്തുന്ന കഞ്ചാവ് മുതൽ രാജ്യാന്തര ലഹരി കാർട്ടലുകൾ കടൽ കടത്തിക്കൊണ്ടുവരുന്ന രാസലഹരി വരെ...നമ്മുടെ നല്ല കേരളത്തിന് എന്തുപറ്റി? എന്താണ് ആരും പ്രതികരിക്കാത്തത്? കേരളത്തിലുണ്ടായിരുന്ന സാമൂഹിക സുരക്ഷാവലയം തകർന്നതെങ്ങനെ? നല്ല കേരളത്തെ വീണ്ടെടുക്കാനുള്ള അവസാന മാർഗമെന്ത്?
സംസ്ഥാന പൊലീസിലെ മുൻ ഡിജിപിമാർ മനോരമയ്ക്കുവേണ്ടി ഒത്തുചേർന്ന ‘വീണ്ടെടുക്കാം നല്ലകേരളം’ ആശയക്കൂട്ടായ്മ ഈ ചോദ്യങ്ങൾക്കെല്ലാമുള്ള ഉത്തരം തേടുകയായിരുന്നു. ലഹരിവ്യാപനത്തെ നിയന്ത്രിക്കുക എന്നതല്ല, ഉന്മൂലനം ചെയ്യുക എന്നതാവണം ലക്ഷ്യം. ഭരണകൂടങ്ങളെക്കാളും ശക്തമാണ് മാഫിയയെന്ന ഗൗരവത്തോടെയാണു പ്രതിരോധ നടപടികൾ ആസൂത്രണം ചെയ്യേണ്ടതെന്നും അവർ നിർദേശിച്ചു.
∙ ലഹരി ഉന്മൂലനം സർക്കാരിന്റെ ഉത്തരവാദിത്തം
∙ നിരോധിക്കപ്പെട്ട ലഹരിവസ്തുക്കൾ ആർക്കും ലഭ്യമാകുന്നില്ലെന്ന് ഉറപ്പുവരുത്തേണ്ടത് സർക്കാരിന്റെ ഉത്തരവാദിത്തമാണ്. വിതരണ-ഉപയോഗ ശൃംഖലകളെ നേരിടാൻ ഗൗരവപൂർണമായ ഇടപെടൽ സർക്കാർ നടത്തണം.
∙ പൊലീസ്, എക്സൈസ് സേനകളെ യോജിപ്പിച്ചുള്ള ടാസ്ക് ഫോഴ്സ് രൂപീകരിച്ച് കൂട്ടായ റെയ്ഡുകളും അറസ്റ്റുകളും നടത്തണം.
∙ കേസുകളുടെ ആധിക്യത്തിന് ആനുപാതികമായി പൊലീസ്, എക്സൈസ് അംഗബലം വർധിപ്പിക്കാൻ സർക്കാർ തീരുമാനിക്കണം. എആർ ക്യാംപുകളിലെ പൊലീസിന്റെ സേവനവും ഉപയോഗിക്കാം
∙ രാജ്യാന്തര ലഹരി സിൻഡിക്കറ്റിന്റെ കടൽ, കര അതിർത്തിമാർഗങ്ങൾ അടയ്ക്കാൻ കേന്ദ്രവുമായി ചേർന്നു നടപടി ആസൂത്രണം ചെയ്യണം.
∙ ഡാർക്ക് നെറ്റ് വഴിയുള്ള ലഹരി ശൃംഖലയെ നേരിടാൻ സൈബർ പൊലീസിനെ ശക്തിപ്പെടുത്തണം.
∙ ലഹരി ഉപയോഗിക്കുന്നവരെയും അക്രമവാസനയുള്ളവരെയും അതിൽനിന്നു മോചിപ്പിക്കാൻ ശക്തമായ സാമൂഹിക പ്രതിരോധം, ബോധവൽക്കരണം, കൗൺസലിങ്, ചികിത്സാ സംവിധാനങ്ങൾ വേണം.
∙ ഐസ്ക്രീം, ചോക്കലേറ്റ് തുടങ്ങി കുട്ടികൾക്കു ലഭിക്കുന്ന മധുരപലഹാരങ്ങളിൽ ലഹരി കലർത്തുന്നതു തടയാൻ ഭക്ഷ്യവകുപ്പിന്റെ ശക്തമായ പരിശോധന വേണം.
∙ ലഹരിയുടെ സ്രോതസ്സിലേക്ക് എത്തുകയും വിതരണശ്യംഖല തകർക്കുകയും ചെയ്യാൻ കേരളത്തിലെ സർക്കാർ-സ്വകാര്യ സിസിടിവി ശ്യംഖല ഉപയോഗപ്പെടുത്തണം.
∙ സ്കൂൾ സിലബസിൽ ലഹരി ഉപയോഗത്തിന്റെ ദോഷഫലങ്ങൾ ഉദാഹരണ സഹിതം ഉൾപ്പെടുത്തണം.
∙ രാസലഹരി കേരളത്തിൽ നിർമിക്കുന്നതല്ല, പുറത്തുനിന്നെത്തുന്നതാണ്. കുറിയറിലൂടെയും മറ്റുമുള്ള കൈമാറ്റം തടയാനും സംവിധാനം വേണം.
∙ ലഹരി ഉൽപന്നങ്ങൾ തിരിച്ചറിയാനും ഉപയോഗിച്ചിട്ടുണ്ടോയെന്നു കണ്ടെത്താനും മറ്റുമുള്ള ലാബ് സൗകര്യം കൂടുതൽ ഏർപ്പെടുത്തണം.
∙ വാണിജ്യ അളവിൽ ലഹരി പിടികൂടുന്ന കേസുകളിലെങ്കിലും ഫാസ്റ്റ് ട്രാക്ക് കോടതി രൂപീകരിച്ച് ഉടൻ ശിക്ഷ നൽകണം.
∙ അക്രമങ്ങളെ മഹത്വവൽക്കരിക്കുന്ന സാമൂഹിക സാഹചര്യം തിരിച്ചറിഞ്ഞു തിരുത്തണം. ഈ കാഴ്ചപ്പാടോടെയുള്ള സിനിമ സെൻസറിങ് ഉറപ്പാക്കണം.
∙ കണ്ണുതുറക്കണം നമ്മൾ
∙ ലഹരി വിൽപനക്കാർക്കെതിരെ നിയമ, സാമൂഹിക ജാഗ്രതയും പ്രതിരോധവും ശക്തമാക്കിയാലേ അക്രമോത്സുകതയും ലഹരിവ്യാപനവും തടയാനാകൂ. കുടുംബശ്രീ, ആശാ വർക്കർ, ജനജാഗ്രതാ സമിതികൾ ഇവയെ ഉപയോഗപ്പെടുത്തണം.
∙ പ്രവാസം മൂലം പല കുടുംബങ്ങളിലും രക്ഷിതാക്കളിൽ ഒരാൾ മാത്രമാണെന്ന സ്ഥിതിയുണ്ട്. ഇതു കുട്ടികളുടെ സ്വഭാവ രൂപീകരണത്തെ പ്രതികൂലമായി ബാധിക്കാമെന്നു തിരിച്ചറിഞ്ഞുള്ള പരിഹാര നടപടികൾ തേടണം.
∙ ലഹരിക്കേസുകളിൽ മുൻപു പൊലീസിനു മുൻപിൽ ശുപാർശകൾ വരാറില്ലായിരുന്നു. ഇപ്പോൾ യുവജനസംഘടനകളടക്കം പൊലീസിനു കടിഞ്ഞാണിടുന്നു.
∙ വിദ്യാർഥികളുടെ ഊർജം കാര്യക്ഷമമായി വിനിയോഗിക്കാൻ കായികവിനോദങ്ങളും മറ്റും ശക്തമായി തിരികെക്കൊണ്ടു വരണം. സ്കൂളിലും കോളജിലും അലസ സമീപനം ഇല്ലാതാക്കാൻ മികച്ച അക്കാദമിക നിലവാരം ഉറപ്പാക്കുകയും വേണം.
∙ സ്കൂൾ പരിസരം ലഹരിമാഫിയയിൽനിന്നു സുരക്ഷിതമായി നിലനിർത്താനുള്ള ഉത്തരവാദിത്തം സമൂഹത്തിനുണ്ട്. ഇതിനു പൊലീസ് സഹായം തേടണം. ജനപ്രതിനിധികൾ ഇടപെടണം.
∙ ‘അധ്യാപകസേന’യെ നിർവീര്യമാക്കരുത്
ലഹരിയിൽനിന്നു സംരക്ഷിച്ചു കുട്ടികളെ സർഗാത്മകതയിലേക്കും നന്മയിലേക്കും നയിക്കാൻ ശക്തിയുള്ള കേരളത്തിലെ ഏറ്റവും വലിയ സേനയാണ് ഒന്നരലക്ഷത്തിലേറെ വരുന്ന അധ്യാപകർ. എന്നാൽ, വിദ്യാർഥികളെ തിരുത്താനും ശാസിക്കാനുമുള്ള ധാർമിക ഉത്തരവാദിത്തം നിറവേറ്റുന്നതിന്റെ പേരിൽ ചിലരെങ്കിലും നിയമനടപടികൾ നേരിടേണ്ടി വരുന്നു. ഇത് അധ്യാപകരുടെ മൊത്തം ആത്മവിശ്വാസത്തെ ബാധിക്കുന്നതായി മുൻ ഡിജിപിമാർ വിലയിരുത്തി. സമൂഹവും നിയമവും അധ്യാപകർക്കുവേണ്ട പിന്തുണ നൽകണം.
വിദ്യാർഥിയുടെ നന്മയെക്കരുതി അധ്യാപകർ സ്വീകരിക്കുന്ന തിരുത്തൽ നടപടികൾക്ക്, മുൻപു പൊലീസ് നിയമത്തിന്റെ സംരക്ഷണമുണ്ടായിരുന്നു. ജുവനൈൽ ജസ്റ്റിസ് നിയമം വന്നതോടെ ഇത് ഇല്ലാതായെന്നും കുട്ടികളെ ശാസിക്കാൻപോലും അധ്യാപകർ ഭയപ്പെടുന്ന സാഹചര്യമാണെന്നും ഇവർ പറഞ്ഞു. കുട്ടികളുടെ ബാഗ് പരിശോധിക്കാൻ അധ്യാപകർക്കുണ്ടായിരുന്ന സ്വാതന്ത്ര്യംപോലും ഹനിച്ച് സംസ്ഥാന ബാലാവകാശ കമ്മിഷൻ ഉത്തരവിട്ടു. ഇതിനെതിരെ എക്സൈസ് കമ്മിഷണർ അടക്കമുള്ളവർ പ്രതികരിച്ചിട്ടും ഫലമുണ്ടായില്ല. ബാഗുകൾ പരിശോധിക്കാൻ പ്രധാനാധ്യാപകർക്കോ ക്ലാസ് ടീച്ചർമാർക്കോ അധികാരം നൽകിയേ തീരൂ.
പൊലീസും എക്സൈസും ഒരേ കേസിനു പിന്നാലെ പായുന്ന സാഹചര്യം ഒഴിവാക്കണം. സേനകളിലെ ആൾക്ഷാമം വലിയ പ്രശ്നമാണ്. ലഹരിക്കടത്ത് കൈകാര്യം ചെയ്യാൻ വേറിട്ടൊരു രഹസ്യാന്വേഷണ സംവിധാനം വേണം. സ്കൂളുകളിലും കോളജുകളിലും നിന്നും വിവരങ്ങൾ ലഭിക്കും. കുട്ടികളിൽ അസാധാരണമായ പെരുമാറ്റങ്ങൾ കണ്ടാൽ അതു തിരിച്ചറിയുകയും പൊലീസിനെ അറിയിക്കുകയും വേണം. ലഹരിയുടെ ദോഷഫലങ്ങൾ കുട്ടികൾ പാഠപുസ്തകങ്ങളിലും പഠിക്കട്ടെ. കടൽവഴി വ്യാപകമായി ലഹരിയെത്തുന്നുണ്ട്. ലഹരിയുടെ സ്രോതസ്സിലേക്ക് അന്വേഷണം എത്തിയെങ്കിലേ അതു ഫലപ്രദമാകൂ. ലഹരിയുൽപന്നങ്ങൾ വിൽക്കുന്ന കടകളും ലഹരിപ്പാർട്ടികൾ നടക്കുന്ന ഹോട്ടലുകളും കണ്ടെത്താൻ പ്രയാസമില്ല. വിജിലൻസ് മുൻ ഡയറക്ടർ കെ.പി.സോമരാജൻ പറയുന്നു.
സർക്കാരുകളെക്കാൾ ശക്തമായ ലഹരിമാഫിയയോടാണു പോരാട്ടം. വലിയ സാമ്പത്തികകരുത്തും നിഗ്രഹശേഷിയുമുള്ളവർ. അതിനെ നേരിടാൻ കൂട്ടായശ്രമങ്ങൾകൊണ്ടേ കഴിയൂ. ലഹരിക്കേസുകളെ വലിയ കുറ്റകൃത്യംപോലെതന്നെ കൈകാര്യം ചെയ്യണം. ഒറ്റതിരിഞ്ഞുള്ള പ്രവർത്തനങ്ങൾകൊണ്ടോ ബോധവൽക്കരണംകൊണ്ടോ നിസ്സാരമായി അവസാനിപ്പിക്കാവുന്നതല്ല ലഹരി മാഫിയയുടെ പ്രവർത്തനം. സർക്കാർതലത്തിലും സാമൂഹികതലത്തിലും ചെറുത്തുനിൽപിനു കൃത്യമായൊരു രൂപരേഖയുണ്ടാകണം. ആസൂത്രണ ബോർഡ് മുൻ അംഗം ജി.വിജയരാഘവൻ അഭിപ്രായപ്പെടുന്നു.
∙ ഇത് സാമൂഹിക അടിയന്തരാവസ്ഥ
നിരോധിത ലഹരി ലഭ്യമാകുന്നില്ലെന്ന് ഉറപ്പുവരുത്തേണ്ടതും കുട്ടികളുടെ ജീവിതപരിസരം സുരക്ഷിതമാക്കേണ്ടതും സർക്കാരിന്റെ പ്രാഥമിക ഉത്തരവാദിത്തമാണ്. ലഹരി ഉപയോഗവും അക്രമങ്ങളും മൂലം കേരളത്തിന്റെ സാമൂഹികാവസ്ഥ അതീവ ഗുരുതര പ്രതിസന്ധി നേരിടുകയാണെന്നു ചർച്ച വിലയിരുത്തി. ലഹരിക്കെതിരെ പോരാടുകയെന്നാൽ അതിശക്തമായ, വിപുലമായ സംവിധാനങ്ങളുള്ള മാഫിയയ്ക്കെതിരെയുള്ള യുദ്ധമായി കണക്കാക്കണം. ലഹരി കൈവശം വയ്ക്കുന്നയാളെ അറസ്റ്റ് ചെയ്യുന്നതോടെ അന്വേഷണം അവസാനിക്കുന്ന സ്ഥിതി മാറണം. ലഹരിയെത്തിയ വഴികളിലേക്കു ശക്തമായ അന്വേഷണം നടത്തി വിട്ടുവീഴ്ചയില്ലാത്ത ശിക്ഷാനടപടികളുണ്ടായില്ലെങ്കിൽ കേരളത്തിന്റെ യുവതലമുറയുടെ സർവനാശം കാണേണ്ടിവരുമെന്ന ആശങ്ക ചർച്ചയിൽ ഉയർന്നു. ഇതോടൊപ്പം കൗമാരത്തെയും യുവാക്കളെയും ലഹരി, അക്രമ വിപത്തിൽനിന്നു മോചിപ്പിക്കാൻ സാമൂഹിക സുരക്ഷാവലയം തീർക്കണം.