ഡൽഹി ഇന്ത്യയുടെ ക്രിപ്റ്റോ കറൻസി കേന്ദ്രം, ചെറുപ്പക്കാർക്കിത് പെരുത്തിഷ്ടം

ഇന്ത്യയുടെ സിലിക്കൺ വാലി എന്നറിയപ്പെടുന്ന ബംഗലുരുവിനെയും, സാമ്പത്തിക തലസ്ഥാനമായ മുംബൈയെയും മറി കടന്ന് ഡൽഹി ഇന്ത്യയുടെ ക്രിപ്റ്റോ കറൻസി തലസ്ഥാനമാകുന്നു. രാജ്യത്തെ ഏറ്റവും കൂടുതൽ ക്രിപ്റ്റോ കറൻസി നിക്ഷേപകർ ഡൽഹിയിലാണെന്നുള്ളതാണ് ഇതിന് കാരണം. ക്രിപ്‌റ്റോകറൻസി ഇൻവെസ്റ്റ്‌മെന്റ് പ്ലാറ്റ്‌ഫോമായ CoinSwitchന്റെ ഒരു റിപ്പോർട്ടാണ് ഇത് വെളിപ്പെടുത്തുന്നത്. ഇന്ത്യയിലുടനീളം 19 ദശലക്ഷത്തിലധികം ക്രിപ്‌റ്റോ നിക്ഷേപകരുണ്ടെന്നും ഈ റിപ്പോർട്ടിൽ പറയുന്നു. ദൽഹി, മുംബൈ, ഹൈദരാബാദ്, ബെംഗളൂരു എന്നിവിടങ്ങളിൽ നിന്നാണ് രാജ്യത്തെ മൊത്തം ക്രിപ്‌റ്റോകറൻസി നിക്ഷേപകരിൽ 20 ശതമാനവും. രണ്ടാം നിര നഗരങ്ങളിലെ ക്രിപ്‌റ്റോകറൻസി നിക്ഷേപകരുടെ എണ്ണവും റിപ്പോർട്ട് എടുത്തുകാണിക്കുന്നു.

ഇന്ത്യയിലുടനീളമുള്ള രണ്ടാം നിര നഗരങ്ങളിൽ, പൂനെ, ജയ്പൂർ, ലഖ്‌നൗ എന്നിവിടങ്ങളിലാണ് ഏറ്റവും കൂടുതൽ നിക്ഷേപകർ. ഈഥർ, ബിറ്റ്‌കോയിൻ തുടങ്ങിയ വലിയ വിപണി മൂലധനവൽക്കരണ ക്രിപ്‌റ്റോകറൻസികളിലേക്കാണ് ഭൂരിഭാഗം ആളുകളും ഏറ്റവും വലിയ നിക്ഷേപം നടത്തിയത്.മൊത്തം ക്രിപ്‌റ്റോകറൻസി നിക്ഷേപകരിൽ 75 ശതമാനവും 18 നും 35 നും ഇടയിൽ പ്രായമുള്ള യുവജന ജനസംഖ്യാ വിഭാഗത്തിൽ പെട്ടവരാണെന്നും റിപ്പോർട്ട് പറയുന്നു.ആളുകൾ നിക്ഷേപിക്കാൻ ആഗ്രഹിക്കുന്ന ഏറ്റവും ജനപ്രിയമായ ക്രിപ്‌റ്റോകറൻസി Dogecoin ആണ്. ഇത് മൊത്തം നിക്ഷേപിച്ച മൂല്യത്തിന്റെ 11 ശതമാനം വരും. ബിറ്റ്‌കോയിൻ (8.5 ശതമാനം), എഥെറിയം (6.4 ശതമാനം) എന്നിവയാണ് പട്ടികയിൽ രണ്ടാമത്തേതും മൂന്നാമത്തേതും.

ബിറ്റ് കോയിൻ ഖനനം

 ബിറ്റ് കോയിൻ ഖനന തൊഴിലാളികളുടെ വരുമാനം വർഷം തോറും വർദ്ധിക്കുന്നു എന്ന റിപ്പോർട്ടുകളും ഈ വർഷാവസാനത്തിൽ വരുന്നുണ്ട്. 2023-ൽ ഇടപാട് ഫീസായി ബിറ്റ്‌കോയിൻ ( ബിടിസി ) ഖനിത്തൊഴിലാളികൾ ശേഖരിച്ച വരുമാനം പ്രതിദിനം ശരാശരി 2 മില്യൺ ഡോളറാണ്. വർഷം തോറും 400 ശതമാനം  വർധനവാണ് ഇത് സൂചിപ്പിക്കുന്നത്. ബിറ്റ്‌കോയിൻ സെൽഫ് കസ്റ്റഡി പ്ലാറ്റ്‌ഫോമായ കാസയുടെ സഹസ്ഥാപകനായ ജെയിംസൺ ലോപ്പ്, ക്രിപ്‌റ്റോകറൻസിയുടെ കുതിച്ചുയരുന്ന വിലയിൽ നിന്ന് ബിറ്റ്‌കോയിൻ ഖനിത്തൊഴിലാളികൾക്ക് പ്രയോജനം ലഭിക്കുന്നുണ്ട് എന്ന് പറയുന്നു. ബിറ്റ് കോയിനിലെ വിൽപ്പന സമ്മർദ്ദം നികത്താൻ സഹായിക്കുന്നതിൽ ഈ വർദ്ധിച്ചുവരുന്ന വരുമാനം സഹായിക്കുന്നുണ്ടെന്ന് വിദഗ്ധർ പറയുന്നു. ഇതുകൂടാതെ 

ഇത് വിപണിയിലെ വിതരണവും ഡിമാൻഡും തമ്മിലുള്ള സന്തുലിതാവസ്ഥ നിലനിർത്താനും  ബിറ്റ് കോയിന്റെ വില ഉയർത്താനും സഹായിക്കുമെന്നും അഭിപ്രായമുണ്ട് . 

ഏറ്റവും കൂടുതൽ വിപണി മൂലധനമുള്ള (മാർക്കറ്റ് ക്യാപ്) 7   ക്രിപ്റ്റോകറൻസികളുടെ ഇന്നത്തെ വില, 24 മണിക്കൂറിലെയും, ഏഴ് ദിവസത്തേയും വില വ്യത്യാസങ്ങൾ, വിപണി മൂലധനം എന്നിവ താഴെ കൊടുത്തിരിക്കുന്നു.

ഈ ലേഖനം ക്രിപ്റ്റോകറൻസികളെക്കുറിച്ചുള്ള  വസ്തുനിഷ്ഠമായ  വിശകലനത്തിനായി മാത്രമുള്ളതാണ്. ക്രിപ്റ്റോ കറൻസി നിക്ഷേപത്തെ  പ്രോത്സാഹിപ്പിക്കുന്നില്ല