സിഡ്നി ∙ പന്തിൽ കൃത്രിമം കാണിച്ച വിവാദത്തെത്തുടർന്ന് മുൻ കോച്ച് ഡാരൻ ലീമാൻ രാജിവച്ച ഒഴിവിലേക്ക് ക്രിക്കറ്റ് ഓസ്ട്രേലിയ ജസ്റ്റിൻ ലാംഗറെ നിയമിച്ചു. ടെസ്റ്റ്, ഏകദിനം, ട്വന്റി ട്വന്റി തുടങ്ങിയ മൂന്നു ഫോർമാറ്റുകളിലും ലാംഗറാകും ഇനി ഓസ്ട്രേലിയയുടെ കോച്ച്.
ഓസ്ട്രേലിയൻ ടീമിനെ അച്ചടക്കം പഠിപ്പിക്കുമെന്നാണ് നിയമനത്തിനുശേഷം ലാങർ പ്രതികരിച്ചത്. 47കാരനായ ലാംഗറിന് നാലു വർഷത്തെ കരാറാണ് ക്രിക്കറ്റ് ഓസ്ട്രേലിയ നൽകിയിരിക്കുന്നത്. ഓസ്ട്രേലിയയുടെ എക്കാലത്തെയും മികച്ച ഓപ്പണിങ് ബാറ്റ്സ്മാൻമാരിലൊരാളായ ലാംഗർ ദേശീയ ടീമിനു വേണ്ടി 105 ടെസ്റ്റ് മൽസരങ്ങൾ കളിച്ചു.