ന്യൂഡൽഹി∙ ക്യാപ്റ്റൻസിയിൽ അശ്വിൻ ധോണിയെ മാതൃകയാക്കിയിരിക്കുന്നുവെന്ന് കിങ്സ് ഇലവൻ സഹതാരം ആരൺ ഫിഞ്ച്. ഐപിഎലിൽ പഞ്ചാബിന്റെ ക്യാപ്റ്റനായി അശ്വിനെ നിയമിച്ചപ്പോൾ ആരാധകർ മുഖം ചുളിച്ചിരുന്നെങ്കിലും പോയിന്റ് പട്ടികയിൽ പഞ്ചാബ് മുന്നിലെത്തിയതോടെ അശ്വിന്റെ നായകപാടവവും അംഗീകരിക്കപ്പെടുകയാണ്.‘
അശ്വിന്റെ ക്യാപ്റ്റൻസി മികച്ചതാണ്. നായക സ്ഥാനത്ത് മുൻപരിചയം ഇല്ലായിരുന്നുവെങ്കിലും ടീം കെട്ടിപ്പടുക്കുന്നതിൽ അശ്വിൻ വിജയിച്ചു. കളിക്കു മുൻപ് സമർ‌ഥമായി അശ്വിൻ ടീം അംഗങ്ങളെ കൂട്ടിയിണക്കുന്നു, കളിക്കാരോടു വ്യക്തിപരമായിപ്പോലും സംസാരിക്കുന്നു. ധോണിയെപ്പൊലെ സമചിത്തതയോടെ കളിയെ സമീപിക്കാനും മികച്ച തീരുമാനങ്ങൾ കൈക്കൊള്ളാനും അശ്വിനു സാധിക്കുന്നുണ്ട്’, ഫിഞ്ചിന്റെ വാക്കുകൾ.
×
